خورشید ئەحمەد سورچی
پــشتی جۆبایدن شیایی سەرکەڤیت بسەر ڕکابەرێ خو تڕامپی و پوستێ سەروکێ ویلایەتێن ئێکگرتی وەربگریت ، دەست ب پڕاکتیکرنا بانگەشەیێن خۆ کرن ، ئێک ژوان بانگەشەیێن بایدنی گەلەک تەکەز لسەر دکر چارەسەرکرنا ئاریشەیێن ڕۆژهەلاتا ناڤین بوو ، بەلێ ئەم یێ دبینین ڕوژ ب ڕوژ ئاریشێن دەڤەرێ یێن مەزنتر و بەرفرەهتر دبن و بایدنی شکەست ئینا هەمبەر ڕوژهەلاتا ناڤین .
ئاریشا حەماس و ئیسرائیلێ ئێک ژوان ئاریشێن سەرەکی یە کو د مەها ئوکتوبەرا ئیسال ڕوویبڕی کابینەیا بایدنی بی چونکی ئیسرائیل دناڤ ستراتیژیا سیاسەتا دەرڤەیا ئەمریکا جهەکێ تایبەت هەیە و حەتا پاراستنا ئیسرائیلێ ئێک ژ خالێن سەرەکیێن مانا ئەمریکایە ل ڕوژهەلاتا ناڤین ئەڤ ئاریشەیە ب مەزنترین ئاریشە دهێتە دانان ل پێش بایدنی چونکی ئیسرائیل هەڤالبەندەکا دیرۆکی و ستراتیژی یە و سەبارەت حەماسێ ژی ئەمریکا باش یا دزانیت کو حەماس یا دهێتە پشتەڤانی کرن ژلایێ ئیرانێ و دنوکەدا حەماس ئامرازەکە د دەستێ ئیرانێ دا لەورا بایدنی نەڤێت حەماس ببیتە ئەگەرەک کو پەیوەندیێن ئەمریکا و ئیرانێ لسەر کیسێ حەماسێ پتر ئالوزتر بن چونکی بایدنی ل دەستپێکا بانگەشەیێن خو تەکەز دکرە سەر چارەسەرکرنا ئاریشێن ئەمریکا _ ئیران ، دەمێ ئیسرائیلێ داخازا هەلکرنا گلوپێ کەسک کری ژ ئەمریکا بو هێرشکرنە سەر غەزە و ژناڤبرنا حەماسێ ، ئەمریکا ڕێک نەدا چونکی دزانی دێ ئیران مایتێکرنێ کەت و دێ بارودوخ پتر شێلی بیت .
هەلبژاردنێن ئەمریکا یێ نزیک دبن کو بریارە سالا بهێت بهێنە ئەنجام دان ب مەرەما دانانا سەروکی ، بایدن یێ هەمی پێکولا دکەت کو ئەو قەیران و ئاریشێن هەی یان چارەسەربکەت یان بێ دەنگ بکەت دا بشێت ڕەئیا گشتی ب دەستڤەبینیت بەلێ ئەڤە کارەکێ ب زەحمەتە چونکی د دەستپێکا دەست ب کاربوونا خو بایدن نەشیا سیاسەتەکا ساخلەم پەیڕەوبکەت هەمبەر ڕوژهەلاتا ناڤین .
Comments are closed, but trackbacks and pingbacks are open.