▪ جۆ بایدن بۆ سۆپایێ ئەمریکا: بلەز بەرسڤا ھێرشا چەکدارێن ئیرانێ بدەن

بایدن: من فەرمان دایە بلەز بەرسڤا ھێرشا موشەکی بھێتە دا.

جۆ بایدنی سەرۆکێ ویلایەتێن ئێکگرتی یێن ئەمریکا، میلیشیاتێن سەر ب ئیرانێ ڤە ب ئەنجامدەرێن ھێرشا موشەکی یا ئەڤ شەڤە بۆ سەر بنگەھەکێ سەربازی یێ ئەمریکا ل سووریا تۆمەتبارکرن، ھەڤدەم سوز دا کو ب زووترین دەم بەرسڤا ئەوان بدەن.

جۆ بایدن، د کۆنگرەیەکێ ڕۆژنامەڤانیدا کو دگەل سەرۆک وەزیرێن کەنەدا ئەنجامدا، دەربارەی ئەو ھێرشا کو ئەڤ شەڤە ل سەر بنگەھەکێ سەربازی یێ ھێزێن وان ل سووریا ھاتیە کرن ڕاگەھاند، “ئەو ھێرشە ژ لایێ میلیشیاتێن سەر ب ئیرانێ ڤە ھاتیە ئەنجامدان، من ژی فەرمان دایە کو بلەز بەرسڤا ئەوان بھێتە دان.”

سەرۆکێ ئەمریکا دەربارەی بەرھەنگاربوونا ئیرانێ ل سووریا ڕاگەھاند،”مە نەڤێت بچینە د ململانێ یا دگەل ئیرانێ دا، بەلێ ھەمی دەما ئەم د ئامادەینە بۆ پاراستنا ھەڤنیشتمانییێن خۆ، دربێن گران ئاراستە بکەین.”