مەهدی مزوری
ڤاڤارتنا حەزژێکرنا پیروزیێن وەلاتی ژ کەسێن مەلاق و بەرژەوەندی خاز .
وەلات و ئالا و شورەشگێر سومبولێن نەتەوەیی نە و پیروزی نە بوو مللەتی، دناڤ تەڤایا مللەتێن جیهانێ رێز ل ڤان پیروزیا دهێت گرتن و گرنگیەکا زور پێدهێتە دان.
دکەڤندا ئەگەر تە حەز ژ وەلاتێ خو و شورەشگێرێت خو نەکربا تو وەك کەسەک (خوفروش) دهاتيه نياسين.
بەلێ ب مخابنی ڤە د نوكە دا يا بەروڤاژی لێهاتی ئەگەر تو حەزژ وەلاتێ خو و شورەشگێرێت خو بكەی تو کەسەک مەلاق یان خو فروشی.
بو نمونه / د نوكه دا كێم كەس یێن هەين بشێن جرعەتێ بدەنه خو پوستەکی لسەر (وەلاتی) يان (شورەشگێرەكی) د مالپەرێ خو يێ تایبەت بەلاڤ بكەت، چونکی دێ گەلەک كومێنت یان پەیوەندی بوو هێن لژێر ناڤ و نیشانێ (مەلاق) يان بوتە چ هاتیە کرن …..هتد.
راسته دزانم مەلاقی يا هەی بەلێ حەزژێكرن ژی يا هەی، ئەڤێن ڤان گوتنا ژی دبێژن وان ژی نەحەق نادانم، بەلێ دڤێت ئەڤ سەرکردە يان ئەڤ شورەشگێره دویف چونێ بكەن بوچ وەلێهاتيەهە ئەگەر چنە حەزژێكرنا شورەشگێرا و وەلاتی هوسا كێم بويە؟مانه جهێ پرسیارێ یە؟!
-دبەرێ دا هەر مالەكا تو چوبایێ وێنەكێ (سەركردەكی يان شورەشگێرەكی) ب مالا وی ڤە یێ هلاویستی بوو بەلێ د نوكه دا هەر ئەڤ تشتە نەمايه يان يا بويه شه رم، راستی مخابن حەتا دناڤ بازاری ژی دا ئەڤ چەندە نەمايه ددەمەکی دا هەر چ جهێ تە قەست کربایێ چەندین وێنە لێ دهاتنە دیتن و گەلەک جهـ هەبون یێن ڤان وێنا بازار ژی پێ دهاتەکرن.
هەروەسا ل قوتابخانا ژی دكەڤندا قوتابيا دارشتن (إنشاء) هەبوون ب زمانێ عەرەبی و كوردی بناڤێ ( حب الوطن_ حەزژێكرنا وەلاتی) دەمێ دبوو ئەزموون قوتابيا ١٠٠٪ دزانی ئەڤ دارشتنه يا هاتی چونکی ماموستای ژی دڤیا ڤی بابەتی د دل و ناخێ قوتابيدا ب چينيت، بەلێ ب مخابنی ڤه د نوكه دا گەلەک یاکێم بوی یان ژی هەر نەمایە.
يا من دڤێت بێژم ئەڤ ئازاديه هوسا ب ساناهی نەهاتيه
هزاران قوربانی يێت بوو هاتينه دان، چەند زه حمەت -ترس-برس -سەرما و گەرم- و چەندين جورێن زورداريێ وئەشکەنجەدانێ و ب عەرەبکرنێ ب ترککرنێ ژ لايێ رژێمێت جور به جور ڤە ب سەرێ ڤی مللەتی هاتینە و کەسێن شورەشگێر خوکرینە مەتال و لبەر سینگێ ڤان رژێما راوستیاینە و بوینە پیروزی بو مللەتێ خو.
لەوما لدەمێ تو دبينی كەسەك كوردبونا خو يان حەزژێكرنا خو بو ئاخ و وەلاتێ خو يان شورەشگێرەكی ديار دكەت د وی بگەهه پاشی هزرا خو بێژە هەمی تشت نەبەرژەوەندينە.
*مەرەم ژ بابەتی
⁃ حەزژیکرنا وەلاتی و پیروزیێن مللەتی نە مولکن ب هیج پارتەکێ یان لایەنەکێ سیاسی لەوما ئەڤ بابەتە پتر ژ هەر بابەتەکێ دی ئێک رێزی پێڤە دیارە و ملەتی لسەر کوم دکەت
⁃ یا پێدڤیە گرنگی پتر ب ڤی بابەتی بهێتە دان ب تایبەتی ژلایێ حکومەتێ ڤە ب رێکا کەرتێ پەروەرێ و میدیا و سوشیال میدیا و سمینارێن جەماوەری …..هتد
⁃ ڤاڤارتنا کەسێن مەلاق ژ کەسێن ئاشنای وەلات و شورەشگێر و پیروزیێن مللەتی.
*هەروەکی هونەرمەندێ مەزن (جەگەر خوین) دبێژیت:
(ئەگەر ئەم نەبن يەك ، ئەمێ هەرن يەک ب يەک)
Comments are closed, but trackbacks and pingbacks are open.