▪ خاندنەک لدۆر گوندێ “تەوێلە”.

تەوێلە دکەڤیتە باکورێ روژئاڤایێ پارێزگەها هەلەبچە ل سەر سنوورێ دناڤبەرا هەرێما کوردستان و روژهەلاتێ کوردستانێ، سروشت و کەلتور و شارستانیەکا گرنگ هەیە و ناڤەندەکا گرنگ یا گەشتوگۆزاری یە و پرە ژ دار و بارێن جودا ب تایبەتی گویز و چناران.

جوگرافی و پێگەهێ وێ یێ شارستانی و دیروکی و کەلتوری بویە ئەگەر کو دەهان ئەدیب و نڤیسەر و رەوشەنبیر ب بەژن و بالا وێ بێژن و ببن خودان داستان و بەرهەمێن هونەری و ئەدەبی وەکو عەبدولڕەقیب یوسف، مەعبدولغەفور، شاکرخەێبان، مامۆستا عەبدولڕەزاق، شاکر فەتاح، مامۆستا گۆران و چەندین کەسانێن دی کو پرانیا وان ژی ل سەر رێبازا تەسەوفێ دچون، د نوکە ژی دا زورترین مزگەفت ل گوندێ ناڤبری و دەوروبەران هەنە و کارتێکرنا وان هەیە، ب شوو دانا کچێن ل خوار 18 سالی و جودابونا هەڤژینان، کوشتنا ژنان و پێگورکانێ یا ژنان و قوتان و توندوتیژی هەمبەر ژنان ب گشتی نینە و ئەڤە پتری 50 سالە هیچ روودانەکا جڤاکی لێ روونەدایە، ئەگەرا سەرەکی ژی دزڤریت بو هەبونا خانەقا و تەکیاییەکا پیرۆز ل تەوێلە.

ل سالا 1928ێ بو ئێکەمجار قوتابخانە ل تەوێلە هاتیە چێکرن، د نوکە دا پتری هزار مال و خێزان تێدا دژین و گرنگی ب خواندنێ ددەن و سەدان کەس وەکو نوژدار و ئەندازیار و ماموستا و کەسانێن خودان باوەرنامە و بسپوریێن جودا ژێ دەرچوینە، خزمەتا وەلاتێ خوە دکەن.

تەوێلە ناڤەند و پێگەهەکێ هەرە جوان یێ گەشتیاری ل کوردستان و عیراقێ هەیە و گەشتیار ل هەموو دەڤەرێن عیراقێ سەرەدانێ بو دکەن، سەدان کەس ل تەوێلە ب کەرتێ گەشتیاری بوینە خودان کار و کار دکەن.
ــــــــــــــــــ
هلۆری