دادگه‌ها فیدرال سكالایه‌كا ل دژى هه‌رێما كوردستانێ ره‌تكر
ئه‌ڤرۆ دادگه‌ها فیدرال ل دۆر سكالایه‌كا ل دژى هه‌رێما كوردستانێ كۆمبوو ئه‌و سكالا ژ ئالیێ دادگه‌ها فیدال ڤه هاته ره‌تكرن.
ل گۆرەى به‌رنامه‌یێ روونشتنێن دادگه‌ها فیدرال ئه‌ڤرۆ 13-6-2023یێ دادگه‌ها فیدرال ل دۆر سكالایا عوده‌یى عه‌واد، ئه‌ندامی لژنه‌یا دارایى ل په‌ڕله‌مانێ ئیراقێ كۆمبوویه كو سكالایا وى ژى ل دژى رازه‌مه‌ندیا بانكا ناڤه‌ندى یا ئیراقێ یه بۆ دانانا داهاتێ په‌ترۆلا فرۆتى یا هه‌رێما كوردستانێ ل هه‌ژماره‌كا بانكى ل ده‌رڤه‌یى ئیراقێ و ئه‌و سكالا هاته ره‌تكرن و دادگه‌هێ ب قانوونى و ده‌ستوورى ناڤكر.
سكالا ل سه‌ر هه‌ر ئێك ژ محه‌مه‌د شیاع سوودانى، سه‌رۆكوه‌زیرێ ئیراقێ، عه‌لى عه‌لاق، رێڤه‌به‌رێ باكا ناڤه‌ندى، حه‌یان عه‌بدولغه‌نى، وه‌زیرێ په‌ترۆلێ و مه‌سروور بارزانى، سه‌رۆكوه‌زیرێن هه‌رێمێ هاتبوو تۆماركرن.
په‌ڕله‌مانتارى تانه ل نڤیسارا رازه‌مه‌ندیا بانكا ناڤه‌ندى دایه ل سه‌ر ڤه‌كرنا هه‌ژماره‌كا بانكى یا تایبه‌ت ب دانانا پاره‌یێ په‌ترۆلا فرۆشتى یا هه‌رێما كوردستانێ و ب به‌روڤاژى ده‌ستوورى ناڤكریه.
ل گۆرەى برگه‌یا ئێكێ ژ مادده‌یێ 14 یێ قانوونا بودجه‌یا ئیراقێ داهاتێ په‌ترۆلا هنارتى بۆ ژده‌رڤه و یا هاتیه فرۆشتن ل ناڤخۆ كو ژ په‌ترۆلگه‌هێن هه‌رێما كوردستانێ دهێته به‌رهه‌مئیانان ل ئێك هه‌ژمارا بانكى یا وه‌زاره‌تا دارایى یا ئیراقێ كو دێ ل بانكا ناڤه‌ندى هێته ڤه‌كرن، بهێته دانان.
Comments are closed, but trackbacks and pingbacks are open.