سەردار هێتوتی
دلگرانی د ناڤا گشت تاکێن جڤاکی دا ڕۆژانە د زێدەبوونێ دایە، گازندا وان یا سەرەکی بلندبوونا متایێن خارنێ و خزمەتێن ب ناڤ یێن حکومەتێ و کێمیا داهاتێ وان یێ گشتی یە.
موچەیێ هەر تاکەکێ #کوردستانی د دەمێ دەهـ ساڵێت بۆری دا چ زێدەبوونێ ب خۆڤە نەدیتیە (ژ بلی دەستەکەکا مشەخۆرا و مللەت خۆر نەبیت)، فەرمانبەرێت حکومەتێ و #پێشمەرگە ب هەمان موچەیێ بەری دەهـ ساڵان یێ د ساڵا نوی دا ل هەمبەری ئاریشێن مەزن ژیانێ دکەن.
د ئەڤرۆ یا مەدا کەلوپەلێت خارنێ و هاتن و چوونێ و ئاڤاکرنێ ڕۆژانە ب هند هێجەتێن نە دجهێ باوەرێ دا د زێدەبوونێ دانە، کەسەکێ پێشمەرگە کو موچەیێ پتریا ڤێ تەخێ دناڤبەرا 550000 هەتا 600000 هزاران دایە، نەچارە پشکەکێ بۆ کریا خانی و پشکەکێ بۆ کریا ترۆمبێلا زارۆکێت خۆ یێن دچنە بەر خاندنێ چونکی ب پشت راستی ئێک ژ قوتابخانەیان زێدە یا ژ مالا وان دیرە، و پشکەکێ بۆ کرینا دەرمانان چونکی دەستەکەکێ نەخۆشخانێن حکومەتێ خزمەتا وان نێزیکێ سفرێ کریە و بەرێ خەلکی دایە نەخۆشخانەیێن تایبەت و پشکەک بۆ کرینا پێدڤیێن خارنێ بگرە ژ زەیت و برنج و شەکرێ هەتا هند متایێن دیتر دانن ل دیماهیێ دێ دەیندارێ مارکێتا سەرێ کولانێ بیت و دێ ب هەر دوو دەستا ل سەرێ خۆ دەت.
ل کوردستانێ کارێ چاندنێ لێکدانی چنەیێ یە و کارێ پیشەسازیێ هەر نینە و بازرگانی ژی هاتیە قورغکرن و گرنگی ب بەهرەیا تاک ناهێتەدان و داهاتێ نەفتێ ژی یێ دابەشکریە و مللەت ژی ڕۆژ بۆ ڕۆژێ یێ لاواز و لاوازتر دبیت و ئەو کەلوپەلێن هێشتا ب بریارا #نەفت بەرامبەر خارنێ ژی دهێن سێ چار مەهان دهێلنە د ناڤا کوگەهاندا و دابەش ناکەن دا خەلکێ بەلەنگاز ب گرانی وان کالوپەلێن ل بازاری هەی بکرن.
Comments are closed, but trackbacks and pingbacks are open.