هێمن سلێمان، پەیڤدارێ پۆلیسێن پارێزگەها دهۆكێ ئەڤرۆ د كونگرەكێ رۆژنامەڤانیدا ئامارێن سالا 2022ێ بەلاڤكرن و ڕاگەهاند، 23 كەس ل دهۆكێ ب ئەنقەست هاتینە كوشتن و 4 كەس ب خەلەتی ڤە هاتینە كوشتن، هەروەسا 45 كەسان ژی خۆ كوشتییە كو 29 ژ وان زەلام و 16 ژن بوون.
هێمن سلێمان گۆت: د سالا بووریدا 948 دزی ل پارێزگەها دهۆكێ هاتینەكرن، 213 كەس ب تۆمەتا خراب بكارئینانا ئامیرێن پەیوەندیێ هاتینە دەستەسەركرن، هەروەسا 323 خازوك و 706 كەس ب تۆمەتا فێلبازیان هاتینە دەستەسەركرن، هەروەسا 46 كەس ب تۆمەتا دەست ب سەرداگرتنا چەكێ بێ مۆلەت دا هاتینە گرتن.
پەیڤدارێ پۆلیسێن دهۆكێ دیاركر، سالا بووریدا ب گشتی 39 روودانێن سۆتنێ هاتینە تۆماركرن، هەروەسا 19 روودانێن خۆ سۆتنێ كو 7 ژ وان زەلام و 12 ژن بوون.
Comments are closed, but trackbacks and pingbacks are open.