نڤيسين: روژنامه‌ڤان و چالاكڤان (چنار ئەحمەد)
هەلبەت فلکلور و کلتور و جهێن شوینواری ل هەر ولاتەکی ب چارچوڤەکێ مەزن ب ئەرکێ ناساندنا ولاتان رادبن و ناسناما هەرولاتەکی نە، ئێک ژ بنەمایێن نشتیمانی و دلسوزی پاراستنا دیروکا ولاتێ مرڤی یە و ئێک ژ کارێن هەرەگرنگ و جوان پارستنا جهێن شوینەواریە و گرنگیدان ب شوینوار و کەلەپوور و کەلتورێن دەڤەرێ سەرخستن و پێشڤەبرنا کەرتێ گەشت و گوزاری یە و بەلگەیە لسەر هەبونا دیروکەکا دیرو درێژ یا مللەتێ کورد
کوردستان ئێک ژ دەولەمەنترین ناوچێن جیهانی یە کو خودان شارستانیەکا مەزنە ژ لایێ کلتوری و فلکلوری و شوینەواری ڤە و ئەڤ شارستانیه ب شێواز و تەلارسازی یا کەڤنارا هاتیە ئاڤاکرن و دروستکرن و نەخشکرن و نەخشە و دیمەنێن جوراوجور لسەر ئاخ و بەرو دیوارا هاتیە کێشان ب درێژاهیا هزاران سالان دبن عەردی دا مایە و لدیف ئاخفتنا ڤەکولەر و ڤەکولینێن بو هاتينە کرن تانوکە چەند شوینوار هاتینە دیتن و ئاشکەرا کرن ل هەرێما کوردستانێ دبیت پتر مابنە نهێنی و هێشتا کار لسەر ئاشکەراکرنا وان نەهاتبیتەکرن
دهوک دەرگەهێ هەرێما کوردستانێ یە دگەل جیهانا ژدەرڤە لەوما بازرگانیێ گەشبون لێ دیتیە و بویە بنگەهەکێ گرنگ ل دەڤەرێ و دهوک ژ باژێرێن کەڤنێن کوردایە و بەلگە لسەر وێ چەندێ ئەو شوینوارێن لێ دهێنە دیتن و باژێرێ دهوکێ ئێک ژ باژێرێن گرنگە ژ ئاليێ ديروکی وجوگرافی وگوزاری ل کوردستانێ وگەلەک شوێنەوارێن کەڤن لێهاتينە ديتن ژ وان شکەفتا چوارستين کو هندەک نه‌خشێن ديروکی نە کوتايبەتمەنديکا گرنگ ژ ئاليێ شارستانی وديروکەڤە هەيە دیسان شکەفتا هەلامەتا و گەلەک جهێن دی هەنە
“ئێک ژ بنەمایێن نشتیمانی و دلسوزی پاراستنا دیروکا ولاتێ مرڤی یە”.
دڤێت بهێنە پاراستن و دڤێت خەلکێ مە دگەل جهێت پەیوەندی دار یێ هاریکاربیت و هەستار و بەرپرسیاربیت د پاراستنا ڤان جهان دا وپارستنا وان ب ئەرکێ خو ببینن و نەهێلین فلکلور و شینوارێن مە بێ خودان و ئێتیم و سێوی بمینن و ل پێش چاڤێن مە بمرن و ژ ئەڤرو دهوک دهێتە نیاسین ژ باژێرێن رێکخستی و جوان ل دەڤەرێ و بویە ئەگەرەک کو ئاڤەدانکرن و پێشکەفتن و جیهانگییریێ رولێ خو لێ گێرایە و بیاڤێن گەشتیاری و دیروکی بەرەڤ پێشڤە چوینە و دهوک بویە پرەک دناڤبەرا پارچێن کوردستانێ دا د بوارێن زانستی و هونەری و ئەدەبی و کلتوری دا .
Comments are closed, but trackbacks and pingbacks are open.