سەردار هێتوتی
ئەڤ ڕستە و چەندین ڕستەیێن دیتر یێن لسەر شێوەیێ ڤێ ئاوازێ دهێنە ژەنین و هەموو بزاڤا وان ئەوە فرێکەنە د ناڤا مێشکێ خەلکی دا ب وێ هێجەتێ کو بشێن هەڤوەڵاتیێ کورد بێ کەساتی و بێ ناسناڤ بکەن.
ئەو یێن ب ڕێکا پەیجێن ئیتلاعاتێ و حەشدا گێلەشۆک و ل ژێر سیبەرا بناڤ پایتەختێ زانایان، ب دەهان ناڤەندێن راگەهاندنێ و پەیجێن باڵا بزاڤا لاوازکرنا هەستێ تاکێ کوردپەروەر دکەن و دخازن وان ژی وەکی خۆ سەرگەردان بکەن.
ناهێتە ڤەشارتن کو ڤان کرێگرتیان شیایە تا ئاستەکی باندوورێ ل هند کەسان بکەن کو ئەگەرێ ئێکێ ژی بۆ غیابا راگەهاندنا پارتی ڤەدگەریت و پاشان بۆ وان کەسێن ڤێ راگەهاندنێ ئاراستە دکەن چونکی هێشتا یێن لسەردەمەکێ دیر ژ ئەڤرۆ ڤەماینە و نەشیاینە دگەل پێلێن بهێز یێن میدیا جڤاکی بمەشن.
دووبارە ڕابوونەڤەیا پارتی خەونە، پارتی ژ هەڵبژارتنان دترسیت، پارتی نەشێت تەزویرێ بکەت، پارتی 400 هزار کوردێن سوریێ و ئیرانێ و تورکیا کرنە خۆدان ناسناما عیراقی بۆ بەرژەوەندا خۆ، پارتی بێی هەبوونا هزرا عەشیرەتا ب ڕێڤە ناچیت، پارتی یا ژ هێزا گۆران، ڕەوتا نیشتمانی یا عەلی حەمە سالح و بەرەیێ گەل یا شێخ لاهۆری و ئێگرتوو و کۆمەڵا دادگەریا ئیسلامی و ئێکەتیێ دترسیت،
“دووبارە ڕابوونەڤەیا پارتی خەونە”
پارتی 11 کۆرسی ژ دەست دانە و دەهان ناڤ و نیشانێن دیتر یێن کو دەمژمێر بۆ دەمژمێر ئاراستەی مێشکێ خەلکی دکەن.
دبیت هندەک کێماسیێن ڕێڤەبرنێ ژ ئەگەرێ هەبوونا بەرپرسەکێ نەزان یان یێ گەندەل یان یێ هزر عەشیری مە هەبن، لێ ناهێتە ڤەشارتن کو ئەو بزاڤا تێکدانا هەوە ب ساڵانە دەست دایێ ئەگەرێ ئێکێ یێ ئاڕیشا مەزنە ل کوردستانێ، هەر هین بخۆ بوون هەوە گۆتی مە بۆدجە بری، هەر هین بخۆ بین هەوە دخاست مووچە ل بەغدا بهێت و نوکە ژی هەر هین بخۆنە کو بزاڤێ دکەن هێزێن پێشمەرگە بکەڤنە د چارچووڤێ هێزێن ژێر دەستێ گێلەشۆکێ.
لەوما لژێر سایا سەرۆک بارزانی و ب پرۆگرامەکێ زەڵال و بەرنامەکێ پری خزمەت پارتی وەک هەر جار دێ بەشدار بیت و دێ هێزا وێ و یا هەوە ل دوماهیێ دیار بیت.
Comments are closed, but trackbacks and pingbacks are open.