لە راگەیاندراوێکدا بەڕێوەبەرایەتی گشتی نەهێشتنی ماددە هۆشبەرەکانی سەر بە ئەنجوومەنی ئاسایشی هەرێمی کوردستان، دەستگیرکردنی دوو باندی مەترسیداری بازرگانیکردن بە ماددەی هۆشبەری راگەیاند.
ئەمڕۆ یەکشەممە (23ـی نیسان/ئێپڕڵی 2023)، بەڕێوەبەرایەتی گشتی نەهێشتنی ماددەهۆشبەرەکان رایگەیاند، لە زنجیرە چالاکییەکی یەک لەدوای یەکدا لە ماوەی ھەشت رۆژی رابردوودا تیمەکانی بەڕێوەبەرایەتییەکە، لەدوو چالاکیدا دوای کۆکردنەوەی زانیاری و بەدواداچوونی وردو گرتنەبەری رێکارەیاساییەکان توانییان دوو باندی مەترسیداری بازرگانیکردن بە ماددەی ھۆشبەر دەستگیربکەن.
لە راگەیەندراوەکەدا هاتووە، ئەو دوو باندە پێکاتوون لە چوار کەس و توانیویانە بڕی 11 کیلۆگرام لە ماددەی ھۆشبەر لە جۆرەکانی کریستاڵ و حەشیش دەستبەسەردا بگرن.
Comments are closed, but trackbacks and pingbacks are open.