ڕێڤەبەرێ بەنداڤێن دهۆکێ دیارکر، نوکە کار ل سەر دروستکرنا هژمارەیەکا بەنداڤان یا بەردەوامە، بڕیارە دوو بەنداڤێن دیتر ل سنوورێ پارێزگەها دهۆکێ بهێنە دروستکرن.
ئەندازیار فەرهاد محەمەد تاهر، ڕێڤەبەرێ بەنداڤێن دهۆکێ دیار کر، بارانبارینێن ئەڤسالە کاریگەری ل سەر بەنداڤێن دهۆکێ هەبوویە و ڕێژەیەکا بەرچاڤ یا ئاڤێ د بەنداڤا دهۆکێدا هاتییە عمبارکرن، بەنداڤا خنس ژی کو دوویەم مەزنترین بەنداڤە ل پارێزگەها دهۆکێ، ئەڤسالە تەمامبوویە و هەتا نوکە ب بلنداهییا ٢٣ مەتران ئاڤ تێدا هاتییە کۆمڤەکرن.
دیسان گۆت؛ هەر د ئەڤسالەدا کار ل سەر دوو بەنداڤێن دیتر هاتییە كرن، ئەو ژی بەنداڤا گەلییێ بەنداوایە ل دەڤەردارییا سێمێلێ و بەنداڤا سپنەدوو ل ناوچەدارییا بامەڕنێ.
ئەندازیار محەمەدی ئەو چەندە ژی دیارکر، مە پلان هەیە مفای ژ هەمی ئەوان ڕویبارێن د سنوورێ پارێزگەها دهۆکێڕا دەرباز دبن، وەربگرین، هەتا ئاڤا کانییان ژی ب هەدەر نەچیت و پڕۆژە ل سەر بهێنە دروستکرن، دیسان هەر بەنداڤەکا دهێتە دروستکرن ژی، مە بزاڤا کری مفا بۆ کەرتێن چاندنێ و گەشتوگوزارێ هەبیت، داکو دەلیڤەیێن کاری ژی ژبۆ وەلاتییان بهێنه دابینكرن.
Comments are closed, but trackbacks and pingbacks are open.