▪  دۆماهی زانیاری لدوور هێرشێن ترکا بۆ سەر ئاخا کوردستانێ

سەردار هێتوتی

ل 15 خزیرانا 2024ێ سۆپایێ ترکا دەست ب ئۆپەراسیونێ کریە لسەر دەڤەرا بەرواریا ل کانی ماسێ و 25 خزیرانێ ڕێبەند دناڤبەرا هەر دوو گوندێن بابیرێ و کانی بەلاڤێ دانایە.

ڕۆژا پاشتر ڤی سۆپایی هەفت بارەگەهێن نوو یێن سەربازی ل گۆپیتکا چیایا ل گوندێن کانی تویێ، شیڤێ، زریزێ، دێمکێ، بلیجان، کۆرکا و گرێ بیێ ل سنورێ قەزا باتیفا داناینە.

ل ڕۆژا 27 خزیرانێ لەشکرێ ترکا چوونە ناڤا گوندێ دەرگەلا موسا بەگ و خەلکێ وی گوندی نەچار کرینە ل گوندێ خۆ دەرکەڤن.

د ڤێ ئۆپەراسیونێ دا سوپایێ ترکا ب کوراتیا 15 کیلومەترا هاتینە ناڤا ئاخا کوردستانێ، ئەڤە د دەمەکی دایە کو پێشتر ب کوراتیا 7 کیلومەترا هاتبوونە ناڤا ئاخا کوردستانێ و بارەگەهێن خۆ یێن لەشکری دانابوون.

ل دەستپێکا ڤێ ئۆپەراسیونێ هەتا نوکە 238 جارا سۆپایێ ترکا ئاخا کوردستانێ توپباران کریە و هێرش ئیناینە سەر ئاخا کوردستانێ و پتریا ڤان هێرشان ل سنورێ پارێزگەها دهۆکێ بوون.

ب ئەگەرێ ڤان توپبارانان، زێدەتری 20 هزار دۆنەمێن عەردێ چاندنێ و دارستان و چەروانێ خەلکی سۆتیە، ب تایبەت ل سنورێ گوندێن ناحیا دێرەلوکێ، ئەو ژی گوندێ گۆهەرز و بلاڤە و بەرچی و سەرگەلێ و  گوندێ کانێ یێ گرێدای سەنتەرێ قەزا ئامێدیێ.

مەترسیا چولکرنا 602 گوندا ل هەرێما کوردستانێ هەیە، ئەڤە د دەمەکی دا کو ئەڤ ئۆپەراسیۆنە بوونە ئەگەرێ چولکرنا 162 گوندان.

ل دەستپێکا کانوونا دوویێ هەتا دۆماهیا خزیرانێ، سۆپایێ ترکا 1076 هێرش و تۆپباران ئەنجامدانە.

ژ ڤێ رێژی 526 بۆ سەر سنورێن پارێزگەها دهۆکێ.
405 بۆ سەر سنورێن پارێزگەها هەولێرێ.
135 بۆ سەر سنورێن پارێزگەها سلێمانیێ.
10 بۆ سەر سنورێن مووسل.

93% ژ ڤان هێرشان ب ڕێکا فرۆکێن شەری هاتینە ئەنجامدان.

ل ساڵا 2023 سۆپایێ ترکا 1548 جارا ئاخا کوردستانێ تۆپبارانکریە.

. لە (٩٣٪)ی بۆردوومانەکان لە ڕێگەی فڕۆکەی جەنگییەوە ئەنجامدراون. ئەمە لە کاتێکدایە کە بەدرێژایی ساڵی ٢٠٢٣، سوپای تورکیا (١٥٤٨) جار بۆردوومان و هێرشی بۆسەر خاکی  هەرێمی کوردستانی ئەنجامدابوو.