دیدار;ئاورە نێروەیی
کو ئێک ژ ئەندامێن دەستەکا رێڤەبەرنا ئێکەتیا نڤێسەران تایێ دهوکێ کۆ ئەو ژی ئێک وان ئەندامان بویە ل رێڤەبرنا فیستەڤالا ئێکەتیا نڤێسەران/دهوک یا (شەشێ ) ئەوی ژی بەرێز سەلام بالایی یە و بەحس گرنگی و روولێ ڤان جۆرە فێشتەڤالان دکەت .
ئەڤێن لخوارێ هند پرس بوونە هاتینە ئاراستەکرن بۆ سەلام بالایی و ئەو ژی ب دلەکێ بەرفرەهــ بەرسڤا مالپەڕێ ” زێیێ بادینان” ددەت…
زێیێ بادینان: ئەرێ گرنگیا فیستەڤالێن رەوشەنبیری د چ دایە ؟
سەلام بالایی دبێژە، کو گرنگیا هەر فیستیڤالەکێ هەڤناسینا نڤێسەرێن کوردو بیانی و هەر کەسێ کو بەشداریا فیستیڤالێ دکەت و لێک گهورینا هزر و بیرو ئاستێ ئەدەبیاتا کوردی و بیانی دچ قوناغ دایە و چەوا مفای ژ سەربورێن هەڤدوو وەردگرن .
زێیێ بادینان: ئەرێ بەس نڤێسەرێن پارێزگەها دهوكێ د فیستەڤالا ئێکەتیا نڤێسەران یا شەشێ ئامادە بوون؟
هەروەها سەلام بالایی دبێژیتن ژی کو د فیستیڤالا ئێکەتیا نڤێسەران/ دهوک یا شەشێ پتر ژ ١٢٠ مێهڤانان ژ هەر چوار پارچێن کوردستانێ و ژ هەمی پارێزگەهێن دی یێن هەرێما کوردستانێ و یێن عێراقێ ژی بەشدارببون.
زێیێ بادینان: ئەرێ تو وەکو بەشدار بویەک و ئێک ژ ئەندامێ دەستەکا رێڤەبەرنا فیستەڤالا ئێکەتیا نڤێسەران تایێ دهوکێ یا شەشێ ڤێ فیستەڤالا شەشێ چ جێوازی هەبو ناڤبەرا یا سالا پار دا هەبوویە ؟
سەلام بالایی دا دیار کرن کۆ دڤێ فیستیڤالێدا جیاوازی مە هندەک مێهڤان و لێکولەرێن نو مێهڤان کربون و پەنەلێن گرنگ ل سەر ئەفسانێ دئەدەبیات و فککلورێ کوردیدا هاتن پێشکێشکرن.
زێیێ بادینان: ئەرێ نڤێسەران د ڤێ فیستەڤالا ئێکەتیا نڤێسەران تایێ دهوکێ یا شەشێ ئەو تشتێ دل و مەژیێ واندا گەهاندە جڤاکێ کورد بگشتی؟
سەلام بالایی دبێژیتن ژی کو هەر بزاڤەکا دهێت ئەنجامدان مفایەک بو جڤاکی تێدا هەیە، ئەو کەسێن دجڤاکیدا حەزا وان ل سەر ئەدەبیات و روشنبیریا کوردی و جیهانی ب شێوەک گشتی دێ مفای ژێ وەرگرن.
زێیێ بادینان: ئەرێ تە چ پەیام یان ژی گوتنەك بو گەنجێن نوی هاتینە د بزاڤا نڤێسەریێدا هەیە تو ب رێیا زێیێ بادینان بگەهینی؟
سەلام بالایی دبێژیت ژی هەمی گەنجان گرنگە بەشداریەک کاریگەر دڤان رەنگە چالاکیاندا بکەن چونکە هونن هێڤێنێ پێشکەفتنا جڤاکی،و دبێژم دەرگەهێ نڤیسەران و ڕوپەلێن کوڤارا پەیڤ بو وە دڤەکرینە بو هەر بەرهەم و بزاڤەکا وە هەبیت.
زێیێ بادینان ل دوماھیێ ژی ئەم سوپاسیا تە دکەین کو تە دەمێ خو دایە مە.
سەلام بالایی ئەندامێ دەستەکا رێڤەبرنا ئێکەتیا نڤێسەران/ دهوک:
هەر سەرکەفتی بن و هیڤخوازم روژ ب روژ زێیێ بادینان و هەمی کوردستان دپێشکەفتن و ئاڤەدانیێ دابیت.
Comments are closed, but trackbacks and pingbacks are open.