نێچیرڤان بارزانی، سه‌رۆكێ هه‌رێما كوردستانێ په‌یامەكا پیرۆزباهییێ بەلاڤكر و تێدا جه‌ژنا چارشه‌مبییا سۆر ل هەمی خویشك و براییێن ئێزدی پیرۆز كر.
ده‌قێ په‌یامێ:
جه‌ژنا سه‌رسالا ئێزدييان ل هه‌می خویشك و براييێن ئێزدى ل كوردستانێ و ل عیراقێ و ل هه‌ر دەڤەرەكا جيهانێ ژ دل پيرۆز دكه‌م، هيڤيدارم جه‌ژن و سه‌رسال و بێهنڤه‌دانه‌کا خۆش و ئارام ده‌رباز بكه‌ن.
سلاڤ و ڕێز ژبۆ ئه‌وان مالبات و كه‌سوكارێن قوربانیيێن ئێزدى يێن هەتا نوكه ماینه د ده‌ستێ تيرۆرێدا، دلێ مه هه‌رده‌م ل گەل ئه‌وانه و هه‌ميیان پشتڕاست دكه‌ين كو هه‌تا ئێزدييه‌كێ بەرزە و ڕه‌ڤاندى مابيت، دێ ل سه‌ر ڕزگاركرن و دياركرنا چاره‌نڤیسێ ئه‌وی به‌رده‌وام بين.
جه‌ژن ل هه‌میيان پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
19-04-2023
Comments are closed, but trackbacks and pingbacks are open.