ئەحمەد
گلی
هۆکاری سەرەکی و کرۆکی کێشەکانی هەرێمی کوردستان فرەدەسەڵاتیە،کە هەمیشە بەدەست نه‌بوونی دەسەڵاتێكی ناوه‌ندی قسه‌رۆشتوو ناڵاندومانه, هه‌رئه‌مه‌ش بووه به‌ڤاكته‌ری سه‌ره‌كی جۆره‌ها ده‌ردوو دادو نه‌خۆشی جه‌سته‌یی و روحی و ژیانی سیاسی و حوكمڕانی!
سه‌ره‌ڕای هه‌وڵی به‌رده‌وامی حكومه‌تی هه‌رێمی كوردستان بۆ پێشخستن و خۆشگووزه‌رانی هاوڵاتیان, نه‌بوونی ئه‌م ده‌سه‌ڵاته ڕێگربووه له‌پێگه‌یشتن و خه‌مڵینی ناسنامه‌ی نشتیمانی و نه‌ته‌وه‌یی و چه‌مكی هاوڵاتی و كێبڕكێی مه‌ده‌نی و به‌گشتی دیموكراسی و سه‌روه‌ریی یاسا و بوونی پڕۆژه و ستراتیجیه‌تی نشتیمانی فراوان.
فره ده‌سه‌ڵاتی ئاماژه‌نیه به‌بوونی ئازادی سیاسی, به‌ربه‌ستی سه‌ره‌كیه له پێش گه‌شه‌كردن و سه‌روه‌ری یاسا له‌وڵاتدا, ڤاكته‌ری سه‌ره‌كی دووبه‌ره‌كی و ناكۆكی و گه‌نده‌ڵی و له هه‌ندێكاتیشدا سه‌رده‌كێشێت بۆ شه‌ری ناوخۆیی.
فره‌ده‌سه‌ڵاتی گه‌ر ده‌وڵه‌ت نه‌گه‌یه‌نێته كه‌ناری له‌ناوچوون و شكستخواردوویی, هه‌میشه له‌دۆخێكی لاواز ده‌یهێڵێته‌وه, هاوكات ده‌رگایه‌كی هه‌میشه كراوه‌و لێدراوه بۆ ده‌ستێوه‌ردانی ده‌ره‌كی و ناتۆكمه‌یی سیاسه‌ت و بریاره نشتیمانی و نه‌ته‌وه‌یه‌كان.
روون و ئاشكرایه هه‌رێمی كوردستان دووهێنده‌ی قه‌باره‌ی نه‌یارانی, “خۆفرۆش و به‌كرێگیراو له‌ناوخۆیدا چێندرواوه, گروپێكی ماڤیا و قاچاخچی وه‌ك یه‌كێتی ده‌ستیان به‌سه‌ر نیوه‌ی كوردستان گرتووه و هه‌ركه ئاره‌زوویانبێت, له‌میدیاكانیانه‌وه حكومه‌تی ناوه‌ندی ناشرین ده‌كه‌ن, به‌ربه‌ست له‌پێش به‌ره‌وپێشچوونه‌كانی دروست ده‌كه‌ن, له‌سه‌روی یاساوه ره‌فتار ده‌كه‌ن, تیرۆرده‌كه‌ن, خه‌ڵك ده‌ستبه‌سه‌رده‌كه‌ن, هه‌رچی كاریی نایاساییه ئه‌نجامی ده‌ده‌ن … هتد” کە ئه‌مه‌ش هۆكاری ئه‌وفره‌ده‌سه‌ڵاتییه كوردستان به‌ده‌ستێوه ده‌ناڵێنێت.
ئه‌م رووداو پێشهاتانه‌ی رووده‌ن و هه‌رۆژه‌و حكومه‌ت و هاوڵاتیان به‌كێشه و گرفتێكه‌وه سه‌رقال ده‌كرێت, شكوگومانی تێدانیه به‌كرێگیراو خۆفرۆشانی ناوخۆیی ڕۆڵی سه‌ره‌كی تێداده‌گێرن, به‌هۆیی سه‌روه‌ریی نه‌بوونی یاسا و ده‌سه‌ڵاتێكی ناوه‌ندی بەهێز، دەبینین بەکردارو لەمیدیا کانیانەوە هەموو هەوڵێکیان خستۆتەگەر بۆ لەناوبردنی ئەزموونی هەرێمی کوردستان و ئەم قەوارە یاسایی و دەستووریە کەبەخوێن بەدەست هاتووە، بۆیە هەرێمی کوردستان پێویستی بەدەسەڵاتێکی ناوەندی قسەرۆشتووی بەهێز هەیە،. تا ئەم دەسەڵاتەش نەیەتە بوون ئەم کێشەو گرفتانە کۆتایی نایەت.
Comments are closed, but trackbacks and pingbacks are open.