جێگرێ پارێزگارێ هەلەبجە ڕاگەهاند، ل ٢٧ێ ڤێ مەهێ کو دکەڤیتە رۆژا سێشەمبی دەرازینکا سنوری دناڤبەرا تەوێلە و شوشمێ ب روویێ گەشتیاران و بازرگانان دێ هێتە ڤەکرن و هاتن و چوون تێدا دەستپێدکەت.
کاوە عەلی جێگرێ پارێزگارێ هەلەبجە ڕاگەهاند، دەرازینکا تەوێلە – شوشمێ کو دکەڤیتە رۆژهەلاتا پارێزگەها هەلەبجە ب روویێ گەشتیار و بازرگانان دێ هێتە ڤەکرن.
ئاماژە ب وێیەکێ ژی کر، ب رازیبوونا ئیرانێ و هەڤبەندیا عێراق و هەرێمێ ل رێکەفتێ ٨ێ ئابا سالا ٢٠١٩ێ بڕیار هاتە دان ب دامەزراندنا دەرازینکا تەوێلە – شوشمێ و وەلاتی دشێن هەڤئاوایێ دەرازینکێن دی ب رێکا پاسپۆرتێ ب وێ دەرازینکێ دەربازببن.
ئەو یەک ژی بەرچاڤکر، بڕیار هاتیە دان بیاڤێ بازرگانیێ د دەرازینکا نوویا تەوێلە – شوشمێ دا زێدەتر گەشە پێ بهێتە دان و ل رێکەفتێ ٢٧ێ مەها حوزەیرانێ هاتن و چوون د وێ دەرازینکێ دا دێ دەستپێکەت.
Comments are closed, but trackbacks and pingbacks are open.