مالپەرێ بێزنێس ئینسایدەر یێ ئەمریكی بەلاڤكریە، دەستهەلاتدارێن كۆریا باكۆر داخواز ژ خەلكێ خۆ كریە ناڤێن كچێن خۆ بگۆهورن ئەگەر نێزیكی ناڤێ كچا سەرۆكێ وەلاتی بیت.
وی مالپەری ئاشكەرا ژی كریە، دەستهەلاتدارێن كۆریا باكۆر ئافرەتان نەچار دكەن ناڤێن خۆ بگۆهورن ئەگەر نێزیكی ناڤێ ” كیم جو ئای ” ناڤێ كچا كیم جونگ ئونگ، سەرۆكێ وەلاتی بیت، بتنێ ئەو كەس دشێن وی ناڤی بۆ زارۆكێن خۆ بدانن یێن كو ” بلندترین پلەیا جڤاكی ” هەی.
كیم جو ئای، كچا سەرۆكێ كۆریا باكۆرە و ژیێ وێ 10 سالن. هەتا نوكە ئەو ئێكەم زارۆكە ژ هەرسێ زارۆكێن سەرۆكێ وی وەلاتی كو ناسناما وێ ژبۆ میدیایان هاتیە ئاشكەراكرن. ئێكەم جار دگەل بابێ خۆ دەركەفتی ژی ل هەیڤا چریا دووێ یا سالا بووری بوو د رێورەسمێن تاقیكرنا مووشەكا بالستی یا كیشوەر بر دا.
Comments are closed, but trackbacks and pingbacks are open.