پەیڤدارێ کۆمسیۆنا بلندا سەربەخویا هەلبژارتنێن عێراقێ راگەهاند، بریارە دەمەک بۆ هەڵبژارتنێن پەرلەمانێ کوردستانێ بهێتە دیاری کرن.
ل دوور ڤێ چەندێ، جومانە غەلای، پەیڤدارێ کۆمسیۆنا بلندا سەربەخویا هەلبژارتنێن عێراقێ راگەهاند، سەرۆک و ئەندامێن جڤاتا کۆمیسیاران، دگەل سەرۆکاتیا هەرێما کوردستانێ ب پشکداریا شاندەکا یۆنامی دێ کۆمبن، هەتا دەمەکێ بۆ هەلبژارتنێن پەرلەمانێ کوردستانێ دیاری بکەن.
پەیڤدارێ کۆمسیونا بلندا سەربەخویا هەلبژارتنێن عێراقێ ئاماژە ب وێ ژی دا، ئەو دەمێ کۆ بۆ هەلبژارتنان دهێتە دیاری کرن دوماهیک دەم نینە رەنگە پێداچوون و گۆهڕین تێدا بهێتە کرن.
بریار بوو رۆژا 25ێ ڤێ هەیڤێ هەلبژارتنێن پەرلەمانێ کوردستانێ برێڤە بچیت، بەلێ کۆمسیونا بلندا هەلبژارتنێن عێراقێ د بەیاننامەکێدا راگەهاند کۆ نەشێن هەلبژارتنان د وی دەمیدا برێڤە ببەن.
Comments are closed, but trackbacks and pingbacks are open.