سەرۆکێ ژوورا بازرگانى و پیشەسازى ل پارێزگەها دهۆکێ دیار کر، دەڤەرەکا پیشەسازى یا هەڤچەرخ ل ئێدارا سەربخوە یا زاخۆ دهێـتە دروستکرن و پشتەڤانیا سەرمایەدار و وەبەرهێنەران دهێتە کرن، کو کارگەهان ل زاخۆ بدانن.
ئەیاد حەسەن، سەرۆکێ ژوورا بازرگانى و پیشەسازى ل پارێزگەها دهۆکێ بۆ رۆژناما ئەڤرۆ دیار کر، لیژنەک ب سەرپەرشتیا گوهدار شێخۆ، سەرپەرشتێ ئێدارا سەربخوە یا زاخۆ بۆ کەرتێ پیشەسازى ل زاخۆ هاتیە پێکئینان و گۆت: “ئەڤ لیژنە نوکە پشتەڤانیا سەرمایەدار و وەبەرهێنەران دکەت، کو ل زاخۆ کارگەهێن هەمەجۆر یێن پیشەسازى ب دانن، هەروەسا دەڤەرەکا هەڤچەرخ یا پیشەسازى ل زاخۆ دهێتە دروستکرن و نوکە گەلەک گرنگى ب دانانا کارگەهێن پیشەسازى ل زاخۆ دهێتە دان”.
ناڤهاتى گۆتژى: “د وێ دەڤەرا پیشەسازى دا پشکێن خوارنێ و هەموو پشکێن دى یێن کارگەهێن پیشەسازى دێ هێنە ژێکجوداکرن، دیسا ژینگەه تێدا بەرچاڤ دێ هێتە وەرگرتن و ژینگەها دەڤەرێ دێ هێتە پاراستن و هەموو کارگەه ل دووڤ ستاندەردێن جیهانى دێ هێنە دانان”.
دهۆک، لەزگین جوقى:
Comments are closed, but trackbacks and pingbacks are open.