ده‌سته‌یا ئامارێ ل هه‌رێما كوردستانێ و ده‌زگه‌هێ لوتكه بۆ كارۆبارێن ئاواره و په‌نابه‌ران رادگه‌هینن كو ب تنێ د سالا بۆری یا 2022ێ دا ل هه‌رێما كوردستانێ 70 هزار گه‌نج چووینه ده‌رڤه‌ی وه‌لاتی و ڤێ یه‌كێ ژی كارتێكرنه‌كا مه‌زن ل سه‌ر ستوونێن پاشه‌رۆژێ یێن هه‌رێما كوردستانێ كرینه و ژوونا گه‌نجان بۆ ده‌رڤه‌ی وه‌لاتی هێشتا یا به‌رده‌وامه و رێگری لێ ناهێته كرن.
ده‌سته‌یا ئامارێ ل هه‌رێما كوردستانێ ئاشكرا ژی كریه، ڕێژه‌یا گه‌نجان ل هه‌رێما كوردستانێ نێزیكی 28%ێ بوویه و ژمارا خوه‌جهێن هه‌رێما كوردستانێ ل سالا 2017 ل وی ده‌می 6.200.000 (شه‌ش ملیۆن و دووسه‌د هزار) كه‌س بوون، ژ ڤێ ژماره‌یێ 1.736.000 گه‌نجن و ئاشكرا ژی كریه، د ناڤبه‌را سالێن (2015-2022)ێ، ژماره‌یا وان كه‌سێن ل ئیراقێ كوچكری 774 هزار و 591 كه‌س بوونه، ژ ڤێ ژماره‌یێ 70%ێ ل هه‌رێما كوردستانێ بوونه، واته د 7 سالاندا 542 هزار و 213 گه‌نجان ل هه‌رێما كوردستانێ كوچكرینه.
چوونا گه‌نجان بۆ ده‌رڤه‌ی وه‌لاتی ب ڤی ڕه‌نگییه:ل سالا 2015ێ 186.422 ، ل سالا 2016ێ 160.717 ، ل سالا 2017ێ 92.691 ، ل سالا 2018ێ 69.203 ،ل سالا 2019ێ 53.240 ،ل سالا 2020ێ 55.318 ،ل سالا 2021ێ 87.000 ، ل سالا 2022ێ ژی نێزیكی 70.000 هزار گه‌نج چووینه ده‌رڤه وه‌لاتی.
ل سالا 2023ێ ژمارا ئاكنجییێن هه‌رێمێ گه‌هشتیه 8 ملیۆن كه‌سان، ل گوری ڕێژه‌یا گه‌نجان ل سالا 2017ێ كو 28%ێ بوویه ژماره‌یا گه‌نجان دێ بیته 2.240.000 گه‌نج و ل ڤێ ژماره‌یێ ئه‌گه‌ر 542.213 گه‌نجان كوچكربیت و نوكه ژ سه‌رجه‌مێ 8 ملیۆن كه‌سێن ل هه‌رێمێ 1,697,787 گه‌نج. هه‌می وه‌لاتێن جیهانێ پشتبه‌ستنێ لسه‌ر هێزا گه‌نجان دكه‌ن و بزاڤێ دكه‌ن خوه ژ هێزا پیران ڕزگار بكه‌ن، ئه‌و ڤێ چه‌ندێ دكه‌ن ژ به‌ر دوو ئه‌گه‌ران:ئێك گه‌نج داهێنانان دكه‌ن و بزاڤێ دكه‌ن هه‌موو هێزا خوه بۆ وی جهی دابینبكه‌ن یێ ئه‌و تێدا كاردكه‌ن و ب ڤی ڕه‌نگی هه‌می سه‌كته‌رێن ده‌وله‌تێ ب هێزا گه‌نجان دێ پێشكه‌ڤن و دێ بیته ده‌وله‌ته‌كا گه‌نج. مرۆڤێ دانعه‌مر گه‌له‌ك قوناغ یێن ده‌ربازكری و بۆ عه‌مرێ مایی حه‌زدكه‌ن ل جهێ خوه بمینن و ئارامییێ په‌یدابكه‌ن و پێشكه‌ڤتنێ ژبیردكه‌ن، ئه‌ڤه ژی كاریگه‌ریێ ل هه‌می سێكته‌رێن ده‌وله‌تێ دكه‌ت، ل دووماهیێ ده‌وله‌ته‌كا پیر دروستدكه‌ن.
Comments are closed, but trackbacks and pingbacks are open.