رێڤەبەریا گشتی یا هاتن و چوونا هەرێمێ د کۆنفڕانسەکێ رۆژنامەڤانیدا ئامارێن روودان و قوربانیێن سالا ٢٠٢٢ێ بەلاڤکرن و ڕاگەهاند، د سالا دەربازبووی دا زێدەتری سێ هزار بوویەرێن هاتن و چوونێ ل هەرێمێ روویدانە.
رێڤەبەریا گشتیا هاتن و چوونا حکومەتا هەرێمێ ڕاگەهاند، د سالا دەربازبووی دا سێ هزار و ٧٠٦ بوویەرێن هاتن و چوونێ ل هەرێمێ روویدانە و تێدا ٤٤٥ کەسان ژیانا خۆ ژ دەستدانە و حەفت هزار و ٢٢٥ کەس ژی برینداربووینە.
ئاماژە ب وێیەکێ ژیکر، ٥٢٨ روویدانێن هاتن و چوونێ ل سالا دەربازبووی ژبەر ماتۆرسکلان ببووینە و ب وێ سەدەمێ ژی ٦٢٣ کەسان ژیانا خۆ ژ دەستداینە و زێدەتری حەفت هزار کەسان ژی برینداربووینە.
ئاماژە ب وێیەکێ ژیکر، دوو هزار و ٩٠٩ روویدانێن هاتن و چوونێ ژ جورێ لێدان بووینە و ٤٣٨ ژی ژ جۆرێ وەرگەڕیانێ بووینە.
ڕاگەهاندژی، د ئەڤ سالەدا ژبەر سەرپێچیان دەست بسەر ١٤ هزار و ٦١٤ ترۆمبێل و هزار و ٣٠٥ ماتۆرسکلان دا هاتیە گرتن و رێکارێن یاسایی دگەلدا هاتینە بکارئینان.
گوتژی. ل سالا ٢٠٢٢ێ ب رێکا بەشێ داخازیێن هاتن و چوونێ یا سەر ب رێڤەبەریێن هاتن و چوونا پارزگەھ و ئیدارەیێن سەربەخۆیێن هەرێمێ ڤە ١٥ هزار و ١١ شۆفێرێن سەرپێچیکار داینە دەست دادگەهێ.
Comments are closed, but trackbacks and pingbacks are open.