د چار سالێن بووریدا، كابینەیا نەهێ یا حكومەتا هەرێما كوردستانێ ب سەرۆكایەتییا مەسرور بارزانی، گەلەك كار بۆ بجهئینانا پڕۆژان د بوارێن جودادا هاتینەكرن، كو بوویە ئەگەرێ زێدەتر یا ژیان و بهێزكرنا ژێرخانا هەرێما كوردستانێ.
لدووڤ ئامارێن فەرمی، د ئەڤی دەمیدا حكومەتا هەرێما كوردستانێ ب كۆژمێ 12 ترلیۆن و 40 ملیار و 667 ملیۆن دینار، سێ هزار و 379 پڕۆژەیێن گرنگ هاتینە بجهئینان.
ئەو پڕۆژە ژی د بوارێن ڕێكاوبان، ئاڤ، چاندن، كارەب، پەروەردە و خزمەتگوزاریێن دەستپێكی، ل سنوورێ پارێزگەهـ و ئیدارەیێن سەربەخۆ لدووڤ پێدڤی و لسەر بنەمایێ ژمارەیا ئاكنجییان، بێ كو د بجهئینانا پڕۆژان و دابینكرنا پارەی چ جوداهی دناڤبەرا باژێر و دەڤەراندا كربیت، ب جۆرەكی ل سنوورێ هەردوو پارێزگەهێن سلێمانی و هەلەبجە و ئیدارەیێن سەربەخۆیێن گەرمیان و ڕاپەرین كو ژمارا ئاكنجییان دگەهیتە دوو ملیۆن و 268 هزار و 50 كەس، هزار و 195 پرۆژەیێن جودا ب كۆژمێ چار ترلیۆن 234 ملیار و 685 ملیۆن دیناران هاتینە ئەنجامدان.
د هەمان دەمدا ل سنوورێ هەردوو پارێزگەهێن هەولێر و دهۆك و ئیدارەیێن سەربەخۆ یێن سۆران و زاخۆ، کو ژمارەیا ئاكنجییان دگەهیتە سێ ملیۆن و 804 هزار و 742 کەس، دوو هزار و 184 پرۆژە ب كۆژمێ حەفت ترلیۆن و 805 ملیار و 982 ملیۆن دیناران ئەنجامداینە.
Comments are closed, but trackbacks and pingbacks are open.