دیدار;ئاوارە نێروەیی
راوەستیانەك لسەر ڤان جورە فیستەڤالێن بەرهەمێن چاندنێ و یێن خومالی ژ بو ڤی بابەتی زێیێ بادینان دیدارەك دگەل دکتور .ئەمجەد عوبەید رێڤەبەرێ باغداریا پارێزگەها دهوكێ هاتە ئەنجامدان و چەندین پسیار ئاراستەی جەنابێ وی کرن.
زێیێ بادینان: ئەڤ فیستەڤالێن بەرهەمێن چاندنێ چەند گرنگیا خو هەیە؟
دکتور ئەمجەد عوبەید: ئەڤ جورە فیستەڤالێن بەرهەمان
ژبو جوتیاران گرنگیەکا مەزن هەیە ژبو کو ئەڤ فیستەڤالە دبیتە رێكەك بەرهەمێن خوە نیشانی خەلکەکێ بدەن دا بزانن کو بەرهەمیێ وان ل چ ئاستی دایە هەروەسا ئەڤ فیستەڤالە جوتیار هەم ئێکدوو دبین هەم ژی رێکێن چاندنا بەرهەمان نیشانی ئێکدوو دەن هەم ژی شارەزایێن خوە لئێک بگوهورن هەروەسا ئەڤ جورە فیستەڤالێن بەرهەمان ل باژێرێ دهوكێ دبیتە ئەگەر کو ئەڤ باژێرە ژبو خەلکێ ژ دەرڤە بهێتە دیارکرن کو جوتیارێن مە ژی دشێن ڤان جورە بەرهەمان بچین یێن وەلاتێن بیانی هەین.
زێیێ بادینان:ئەرێ هەتا چ رادە بەرهەمێ خومالی یێ مە دەڤ خەلکەکێ بیانی هاتیە نیاسین؟
دکتور ئەمجەد عوبەید: بێگومان تا رادەیەکێ باش بەرهەمێ کوردستانێ ل دەڤ خەلکەکێ بینانی نیاسینەکا باش پەیداکریە ئەڤ ژی بۆ هندێ کو بو بەری نوکە وەک (سێڤ، هنار، هنگڤین ،سماق،برنج ،تەحین) گەلەک بەرهەمێن دی ل هەرێما کوردستانێ هاوردەی دەولەتێن کەنداڤی و یێن ئەوروپی کرنە هەروەسا دیسان خواستەکا زۆر لسەر هەبوویە ئەڤ سالە ژی لبەرە سێڤ و هنگڤین بهێتە هاوردە کرن ژبو دەولەتێن کەنداڤی و یێن ئەوروپی .
زێیێ بادینان:حکومەت چەند یا هاریکارە بو چاندنا بەرهەمێن چاندنێ ؟
دکتور ئەمجەد عوبەید: حکومەتا هەرێما کوردستانێ گرنگیەکا گەلەک مەزن دایە کەرتێ چاندنێ ژبەرکو چاندن ستوینا هەر وەلاتەکێ نە هەر ژبەر هندێ ژی هەر دروستبوونا حکومەتا هەرێما کوردستانێ بەردەوام هاریکارێ دەنە جوتیاران بگرە ژ بچووکترین تشت هەتا مەزنترین تشت وەکی : مەقەسا کەزاخێ و تەرکتورا ئانکو ئەم دشیێن بێژین کو حکومەتا هەرێما کوردستانێ یا بەردەوامە لسەر هاریکارکرن دگەل جوتیاران هەروەسا سیاسەتا حکومەتا هەرێما کوردستانێ یا کابینەیا نەهێ باراپتر پشت بەستنێ دەتە هندێ کو بەرهەمێ جوتیاران دەتە نیاسین بو بازارێن دی یێن جیهانێ و دا بازارەکێ بو جوتیاران پەیداکەت دا کو بەرهەمێن خوە بفروشن ب باشترین بها .
زێیێ بادینان: ئەرێ تو وەک رێڤەبەرەک و هەروەسا بەشدار بویەکێ ڤێ فیستەڤالێ باشتر نەدبۆ خەلکێ بیانی هاتبانە بانگێشکرن باشتر نەدبۆ ؟
دکتور ئەمجەد عوبەید: سەبارەت ب بانگێشکرنا خەلکەکێ بینانی بو فیستەڤالێ بێگومان مە هەمی قونسلخانە و قونسلگەر یێن ل هەرێما کوردستانێ کاردکەن مە بانگێشت کربوون هەروەسا مە ماموستایێن زانکویا مە بانگێشت کربوون هندەك ژ وان ئامادەببون هندەک ژ وان ژی ب ئەگەرێن خوە یێن تایبەت نەشیان ئامادە ببن ل فیستەڤالێدا.
زێیێ بادینان: چاندن ب شێوەیەکێ گشتی ل هەرێما کوردستانێ و عێراقێ ل چ ئاستی دایە ؟
دکتور ئەمجەد عوبەید: ئەز وەکو کەسەک شارەزا د چاندێدا دبێژم کو ئاستێ چاندنێ ل هەرێما کوردستانێ نە ل ئاستەکێ خراب نە ژی ل ئاستەکێ هەرە باشدایە ئەم دشێین بێژین ل ئاستەکێ ناڤنجیدایە چونکی د شیاندا هەیە کو کەرتێ چاندنێ بهێتە پێشڤەبرن هەروەسا ئەڤ گوتنە بوو هەردوو حکومەتایە و هیڤەیە ئەم کەرتێ چاندنێ بەرەڤ پێشڤەبەین.
داوی دکتوری سۆپاسی و داخازا سەرکەفتنێ بۆ ستاڤ و پەیامنێرێ زێیێ بادینان ل دهۆک خاست.
Comments are closed, but trackbacks and pingbacks are open.