▪ راگرتنا هنارده‌كرنا په‌ترۆلێ د ئێك هه‌یڤدا نێزیكى ئێك ملیار دۆلاران زیان ب هه‌رێما كوردستانێ و عیراقێ گه‌هاندییه‌

راگرتنا هنارده‌كرنا په‌ترۆلێ د ئێك هه‌یڤدا نێزیكى ئێك ملیار دۆلاران زیان ب هه‌رێما كوردستانێ و عیراقێ گه‌هاندییه‌

راگرتنا هنارده‌كرنا پترۆلا هه‌رێما كوردستانێ د ئێك هه‌یڤدا 190 ملیۆن دۆلاران زیان ب داهاتێ گشتییێ عیراقێ و زێده‌تر ژ 12 ملیۆن دۆلاران ب كه‌ركووكێ گه‌هاندییه‌، زێده‌بارى هندێ ئه‌و 378 هزار به‌رمیلێن پترۆلێ یێن رۆژانه‌ ژ هه‌رێما كوردستانێ دهێنه‌ هنارده‌كرن كو ل 30 رۆژێن راگرتنا هنارده‌یا پترۆلێ، ب كوژمێ 642 ملیۆن و 978 هزار دۆلاران زیان ب داهاتێ گشتییێ عیراقێ گه‌هاندییه‌.
ل 25ى ئادارا بورى هنارده‌كرنا پترۆلا كوردستانێ ژلایێ توركیاڤه‌ ژبه‌ر بریاره‌كا دادگه‌ها نێڤده‌وله‌تییا پاریسێ هاتبوو ڕاگرتن، دادگه‌هێ ل سه‌ر سكالایه‌كا عیراقێ ب دژى توركیا بۆ هنارده‌كرنا په‌ترۆلا هه‌رێما كوردستانێ دبه‌رژه‌وه‌ندییا عیراقێدا بریار دا، و ل سه‌ر بنه‌مایێ ئه‌وێ بریارێ هنارده‌كرنا پترۆلا هه‌رێما كوردستانێ هاته‌ راگرتن و توركیا راگه‌هاندبوو دێ پابه‌ندى بریارێ بیت.
زیانێن راگرتنا هنارده‌كرنا پترۆلا هه‌رێما كوردستانێ د ماوێ 30 رۆژاندا 642 ملیۆن و 978 هزار دۆلارن، كو رۆژانه‌ 378 هزار به‌رمیلێن پترۆلێ ب بهایێ 63 دۆلاران دهێنه‌ هنارده‌كرن.