رومیو هه‌كارى سه‌رۆكێ هه‌ڤپه‌یمانیا نه‌ته‌وه‌ى ل په‌رله‌مانێ كوردستانێ تایبه‌ت بۆ ئاژانسا خانى راگه‌هاند، كۆمبوونا ئه‌ڤێ دوماهیێ یا مه‌كته‌بێن هه‌لبژارتیێن پارتى و ئێكه‌تیێ بابه‌تێ چه‌وانیا پشكداریا پێكهاتان د هه‌لبژارتناندا ژبۆ چاره‌سه‌ریێ راده‌ستێ یونامى كربوو.
ناڤبرى دیار ژى كر، ئه‌ڤ بابه‌ته دایه ده‌ستێ یۆنامى ، ژبه‌ركو ئه‌ڤ بابه‌ته بۆیه گرێیه‌ك ودبیت ببیته ئه‌گه‌ر كو هه‌لبژارتن نه‌هێنه‌كرن. ودیاركر كو یونامی پێشنیار داناینه ل به‌رده‌ستێ هه‌ردوو مه‌كته‌بێن هه‌لبژارتنێن پارتی وئێكه‌تیێ سه‌باره‌ت بابه‌تێ پشكداریا پێكهاته‌یان دهه‌لبژارتنان دا.
سه‌رۆكێ هه‌ڤپه‌یمانیا نه‌ته‌وه‌ى ل په‌رله‌مانێ كوردستانێ دیارژى كر، یونامى نه‌شێت بێى وه‌رگرتنا ره‌زامه‌ندیا پێكهاتان بریاره‌كێ بده‌ت و بچیته د وارێ بجهئینانێدا، و ژبۆ ڤێ مه‌ره‌مێ پێدڤیه پرسیارێ ل پێكهاتان بكه‌ت.
ناڤبری ئاماژه ب هندێ ژى كر، پێكهاته د چ ده‌ماندا ئاریشه نه‌بووینه ل هه‌رێمێ، ب تنێ ئه‌ڤه بهانه‌یه‌كه داكو هه‌لبژارتن نه‌هێنه‌كرن، و بزاڤ دهێنه‌كرن كێمكرنا كورسیێن كوتا یان گوهرینا سیسته‌مێ كوتا بۆ پێكهاتان ل هه‌رێما كوردستان و عیراقێ، هه‌روه‌سا دیركه‌فتن ژ بنه‌مایێن دیموكراسیه‌ت و پێكڤه‌ژیانێ ل هه‌رێما كوردستانێ.
Comments are closed, but trackbacks and pingbacks are open.