رێبوار حەمەلاو شوانی
ئەم تەنها دروشم و پەیامێك نییە ، بەڵكو ستراتیژ و سەرچاوەی رێبازێكی زوڵاڵی كوردایەتیی و كۆڵنەدان كە پشت بە پشت و قۆناغ بە فۆناغ لە نێو سەختترین و قورسترین هەڵومەرجەكاندا ، كاروانە پڕشانازی و سەروەرییەكەی بەردەوامی و درێژەی هەیە ، ئەو سەرزەمین و نیشتیمانەكەی ناوی كوردستانە خاوه‌ن نەتەوەیەكی رەسەن وگه‌لێكی زیندووهوشیاره دواجار بەدڵنییاییەوە و مێژوو ئەو راستییەی سەلماندووە كە بە خۆراگری و بەرخودانی خۆی و بوونی سەركردایەتیەكی ژیر و دڵسۆز و بەرپرسیار پیلانگیری نه‌یاره‌كانی شكست پێهێناوە وه‌ك ئه‌وه‌ی له‌چاوه‌رانی بێهوده‌دا مێشكی پووچیان به‌خه‌یاڵی شلۆقه‌وه گه‌رم كردوه. هەروەها سەرەرایی هەوڵی زۆری دوژمنان و داگیركەران بۆ لێكترازانی بارزانی و كوردایه‌تی ڕاسته‌قینه كە ئاوێته‌ی یه‌كتر بوونە و تا بە ئەمرۆ به هیچ هێزێك و هه‌وڵێكی دوژمنان و نه‌یاران نەتوانراوە لەیەكتریان جیا بكاتەوە .
بارزانی و رێبازی بارزانی بەهۆی هەڵوێستە كوردانە و نیشتیمانییەكانی دروستكەری مێژووی پرشانازی و داینەمۆ و داهێنەری بیروهزری كوردپەوەرییە ، هەر لە مێژووی بەرخودان و فیداكاری و شكۆمەندی و پێشمەرگەبوون وەك گەورەترین شانازی و سەروەری و خوڵقێنەری مێژووی بەرەنگاربوونەوەی دوژمنان و نەیاران و برینی هەوراز و نشێوەكان و بەهێزكردنی بیروباوەری نیشتیمانپەوەری ونەتەوەپەوەری تێپەڕاندنی سنوورە دەستكردەكان لە نێو سنوورە دەستكردەكاندا .
گەلی كورد وەك نەتەوەیەكی خاوەن ماف بە نێو دەیان كارەساتی جەرگبر و وێرانكەری و ئاوارەیی و پەنابەری وڵاتان ، تا هەوڵی رێشەكێش كردنی مۆركی نەتەوایەتیی وێرانكردنی نزیكەی 5000 گوند ودراستان و كانیاوەكان و چەندین پیلانگێری و گەلەكۆمەكی و گەمارۆدانی سەختی دوژمنان كە بەخەیاڵی خاویان پێیان وابوو دەتوانن كاروانی خەباتمان رابوەستێنن ، بارزانی و رێبازەكەی بە ئیرادەیەكی بەهێز وپۆڵایین رووبەڕووبەرووی بەهێزترین و سەرسەختترین و پڕچەكترین دوژمنان وناحەزان بۆوە وبە دەیان داستان و مێژووی پڕ سەروەری بۆ كورد وكوردستان تۆماڕكرا.
ئەو خۆراگری و رۆحی تەبایی و برایەتییەی سەرۆك بارزانی و سەركردایەتی كردنەی بەرەی كوردستان ، توانی راپەڕینە شكۆمەندەكەی ساڵی 1991 ی لێبكەوێتەوە كە دواتر بە بانگەوازی هەڵبژاردن لە شاری كۆیە ،ئەنجامدانی هەڵبژاردن و بوون بە خاوەن پەرلەمان وحكوومەت و فیدراڵی و دواتر سەركەوتنی ریفراندۆمی سەربەخۆیی لێكەوتەوە ، كە بە هەموو داگیركەران و دوونیایی گووت كە گەلی كورد دەستبەرداری مافی دەوڵەتبوون و سەربەخۆیی نابێت ، ئەوەش درێژەپێدەری شۆڕش و راپەڕینەكان و رێبازی پیرۆزی بارزانییە كە ئەویش قوتابخانەی سەربەست ژین و خۆنەچەماندن و سازش نەكردنە لە سەر مافەرەواكانی نەتەوە و نیشتیمانەكەی.
مێژوو وخەباتی بێ وچانی رێبازی بارزانی ، بە هەموو شانازی وهەوراز و نشێوەكانی كە تەنها بیروباوەری كوردایەتی وكۆڵنەدان سەرچاوەكەیەتی و لە شێخانەی بارزانەوە بۆ باوكی رۆحی نەتەوەیی كورد مستەفا بارزانی و تا دەگاتە پێشمەرگە ، رێبەر و هێژا سەرۆك مسعود بارزانی ، كوردایەتیی و بارزانی وخەبات و تێكۆشان یەك ئامانجە ئەویش ” یان كوردستان یان نەمانە ” ، ئەویش كاتە دەستپێدەكات كە كورد وكوردستان ودۆزەروایەی كە بكەوێتە ژێر هەرەشەوە و بەو واتایەی كە ناویەت هەرگیز داگیركردنی خاك و نیشتیمان ببینێت و بۆیە نەمان ومردنی خۆی پێش داگیركردنی خاكەكەی خستووە ، ئەوەش پێمان دەڵێت كە ئه‌م رێبازه رێی كوردستان یان نه‌مان و هێڵی سووە بۆ دوژمنانی ..
Comments are closed, but trackbacks and pingbacks are open.