سه‌ربه‌ست صه‌برى رێڤه‌به‌رێ ناحیا دینارتێ دده‌ته دیاركرن كو به‌رى نها ره‌زامه‌ندى بۆ رێكه‌كا ستراتیژى ل ده‌ڤه‌را نه‌هلێ هاته‌دان ئه‌و ژى رێكا گسێ بۆ كه‌شكاڤا كو رێكه‌كا گرنگه بۆ ده‌ڤه‌رێ و جوتیارێن ده‌ڤه‌رێ دا مفایه‌كێ مه‌زن لێ بینن و دا ده‌ڤه‌ر ب بدهوكێ ڤه هێته گرێدان،به‌لێ مخابنى ڤه ئه‌و پرۆژه ل به‌ر بابه‌تێن ئێمناهیێ هاته راوه‌ستاندن و نه‌هاته چێكرن، له‌وا ئه‌م نه‌چاربووین كو پارێ وى پرۆژه‌ى هنده‌ك رێكێن دى پێ چێكه‌ین.
رێڤه‌به‌رێ ناحیا دینارتێ گۆت ژى كو پشتى مه دیراسه‌كرى مه ب فه‌ردیت رێكا هه‌رچوار گوندێن(كورتكا كه‌ڤن و كورتكا نوى،شرتا و ئاڤده‌لكا)چێكه‌ین كو رێكێن وان گوندان زور دخرابن، ئه‌وژى ب درێژاهیا 10كم هێنه جێبه‌جێكرن،كوژمێ ڤى پرۆژه‌ى ژى ب گشتى ملیاره‌ك و 773 ملیون دیناره،تنێ هنده‌ك رێكارێن قانونى ماینه و ئه‌ڤ پرۆژه دێ هێنه جێبه‌جێكرن و دێ كه‌ڤنه خزمه‌تا خه‌لكێ وان گوندان دا،ژبه‌ركو رێكێن وان گوندا دخرابن،له‌وا مه ب فه‌ر دیت وى پاره‌ى وان رێكا پێ چێكه‌ین.
د ڤێ کابینێ دا پتر خزمەتگوزاری بۆ دەڤەرێ هاتنە کرن و تا رادەکێ پێدڤیێن خەلکی پر کرنە و لێ داخاز کەن پتر خزمەتگوازی بۆ بهێنە کرن و بکەڤنە د وارێ بجئینانێ دا .
Comments are closed, but trackbacks and pingbacks are open.