لسه‌ر داخوازا جڤاتا وه‌زیران، وه‌زاره‌تا دارایى رێنمایه‌ك جێبه‌جێكر و رێژه‌كا پاره‌ی وه‌ك هاندان بۆ پشكه‌ك ژ فه‌رمانبه‌رێن وه‌زاره‌تا كاره‌بێ دێ هێنه مه‌زاختن، كو دناڤبه‌را 150 هزار بۆ 300 هزار دینارایه.
د رێنمایێدا هاتیه، مه‌زاختنا رێژا 2%ى ژ كویا 10% یا داهاتێ كاره‌بێ بۆ ژمێریاران و ستافێ فرۆشتنا وزه‌ى بیت و دوپاتكریه ، رێڤه‌به‌ریا دابه‌شكرنا كاره‌بێ پێدڤیه لیستا ناڤێ وان كه‌سان ئاماده‌بكه‌ن و بۆ گه‌نجینێ بهنێرن.
لدویڤ رێنمایان، هه‌ر ژمێریاره‌ك ل باژێر و باژێركان ل به‌رامبه‌ر هه‌ر پسووله‌كا كاره‌بێ ب رێژا 50 دیناران بۆ هێته مه‌زاختن، و ئه‌گه‌ر كێمتر ژ 70% پسوولا دابه‌ش بكه‌ت بۆ هه‌ر پسوله‌كێ 200 دینار دێ بۆ هێنه مه‌زاختن. هه‌روه‌سا ئه‌و ژمێریارێن ژ 70% زێده‌تر پسوولا دابه‌شكه‌ن دێ بۆ هه‌ر پسووله‌كێ 250 دیناران مه‌زێخن.
Comments are closed, but trackbacks and pingbacks are open.