ئه‌ڤرو رێكکه‌فتی 2023/2/5 روژا ئێكشه‌مبی ب ئاماده‌بونا به‌رێزان ” شمعون شلیمون ایشو ” جێگرێ پارێزگارێ دهوكێ و “د.ئه‌ڤراسیاب موسا ” رێڤه‌به‌رێ گشتیێ ساخله‌میا پارێزگه‌هێ و هژمارەکا پەرلەمانتارێن کوردستانێ و عیراقێ و چه‌ند رێڤەبەرێن گشتی لدهۆکێ و نوونەرێن رێکخراوێن ناڤخۆی و بیانی، کۆنفرانسێ پێداچوونا سالانە یێ رێڤەبەریا گشتی یا ساخلەمیا پاڕێزگەها دهۆکێ هاتە گێران.
د په‌یفه‌كێدا جێگرێ پارێزگارێ دهوكێ بناڤێ رێزدار پارێزگاری و ئیدارا پارێزگه‌هێ به‌حسێ رولێ سازیێن ساخله‌میا پارێزگه‌هێ و پشته‌ڤانیا حكومه‌تا هه‌رێما كوردستانێ و ئیدارا پارێزگه‌هێ كر هه‌روه‌سا ده‌ستخوشی و سوپاسی ئاراسته‌ی ته‌ڤایا رێڤه‌به‌ر و كارمه‌ند و كار بده‌ستێن ساخله‌میێ كر دوڤدا رێڤه‌به‌رێ گشتی ساخله‌میێ هه‌ر دوی بیاڤیدا په‌یفه‌ك پێشكێشكر و تێدا باس ل خزمه‌تگوزاریێن سالانه و ب تایبه‌ت یێن سالا 2022ێ كر
پاش ” حه‌مزه ره‌زیكی “په‌یڤدارێ ساخله‌میا پارێزگه‌هێ ئامارێن كونفراسی و كاروبزافێن ساخله‌میێ بڤی ئاوای راگه‌هاندن :
د سالا بۆریدا ل پارێزگه‌ها دهۆكێ سێ ملیۆن و490 هزار و 955 كه‌سان سه‌ره‌دانا ده‌زگه‌هیێن ساخله‌میێ كرینه و 182 هزار و 771 كه‌س یێن هاتینه نڤاندن ل نه‌خۆشخانا وسه‌نته‌رێن تایبه‌تمه‌ند و 48 هزار و 383 نشته‌رگه‌ری یێن هاتینه ئه‌نجامدان بۆ نه‌خۆشان و69 نشته‌رگه‌ریێن چاندنا گولچیسكا هاتینه ئه‌نجامدان و 43 هزار و 144 زارۆك ژدایكبووینه و264 زارۆك مرینه و سالا بۆریدا چار هزار و 22 كه‌سان گیانی خوە ژده‌ستدایه و 438 زارۆك كیمتر ژ ساله‌كی مرینه وپێنج ملیۆن و 198 هزار و 16 پشكنینن تاقیگه‌هی هاتینه ئه‌نجامدان 131 هزار و 779 سونار هاتینه گرتن و 22 هزار و 435 میفراس هاتینه گرتن .130 هزار و61 ئاواره و په‌نابه‌ران سه‌ره‌دانا ده‌زگه‌هیێن ساخله‌میێ كرینه وهه‌شت هزار و 978 نه‌خۆش یێن هاتینه نڤاندن ل نه‌خۆشخانا و سه‌نته‌رێن تایبه‌تمه‌ند و هه‌شت هزار و 250 زارۆك ژدایكبووینه وپتر ژ دوو هزار و 700 نشته‌رگه‌ریا بۆ خه‌لكێ ئاواره وپه‌نابه‌را هاتینه ئه‌نجامدان ل سای 2022ێ 346061 قورجێن ڤاكسینێ نه‌خۆشیا كوفید 19ێ هاتینه دانان بۆ خه‌لكێ دهۆكێ و پتر ژ 90% زارۆكان ڤاكسینا سۆركان وه‌رگرتنیه و چ نه‌خۆشێن فالنجا زارۆكان وسۆركا ومه‌لاریایێ نه‌بووینه و72 نه‌خۆشین سلێ هه‌بووینه و لیشمانیا پیستی 105 نه‌خۆش بووینه.
Comments are closed, but trackbacks and pingbacks are open.