رێڤەبەرێ چاڤدێریا بازرگانی ل پارێزگەها دهۆکێ ئاشکرا کر، ئاریشەیا بەلاڤکرنا ئەرزاقێ هەیڤانە ل سنوورێ پارێزگەها دهۆکێ هاتیە چارەسەرکرن و نوکە ل پارێزگەها دهۆکێ مینا پارێزگەهێن دی یێن هەرێم و ئیراقێ هەیڤانە د دەمێ گەهشتنا ئاهێن خوارنێ دا ئێکسەر دهێنە بەلاڤکرن.
شەریف فەتاح، رێڤەبەرێ چاڤدێریا بازرگانی ل دهۆکێ بۆ رۆژناما ئەڤرۆ دیار کر، راستە بەری نوکە ل ل سنوورێ پارێزگەها دهۆکێ ئاریشا بەلاڤکرنا ئاهێن خوارنێ هەبوو، ئەرزاقێ دو هەیڤان نەهاتبوو بەلاڤکرن و گۆت: “پشتی دووڤچوون بۆ هاتیە کرن و لیژنە هاتیە پێکئینان، نوکە ئەو ئاریشە هاتیە چارەسەرکرن و هەیڤانە د دەمێ خوە یێ دیارکری دا ئەرزاقێ هەیڤانە دهێتە بەلاڤکرن، ئەم ب هووری چاڤدێریا پرۆسا بەلاڤکرنا ئەرزاقێ هەیڤانە دکەین”.
شەریف فەتاح گۆتژی: “ئەو کەرەستەیێن بڕیاربوو ل مەها رەمەزانێ بهێنە بەلاڤکرن ژ لایێ بازرگانیا ئیراقێ ڤە هاتینە کڕین و ژ بەر چەند ئەگەرەکان د مەها رەمەزانێ دا نەهاتنە بەلاڤکرن، بەلێ ئەم پشتڕاستین هەر دێ هێنە بەلاڤکرن، ژ بەرکو ئەو کەرەستەیێن زێدە هاتینە کڕین و ل سەر وەلاتیان دێ هێنە بەلاڤکرن”.
Comments are closed, but trackbacks and pingbacks are open.