دلگەش شوکری:
-ئاگەهدارکرنا خێزانا ب تایبەتی (دایک و بابان)، سەبارەت ب سەردەریا زاروکان و پەروەردەرکرن و کونترولکرنا وان ب شێوەیەکێ دروست د جڤاکی دا و دانا پێزانینا سەبارەت زیانێن (مادەیێن هوشبەر)، ب رێیا کەنالێن راگەهاندنێ یێن جەماوەری ب تایبەتی کەنالێن حکومی.
-ئەنجامدانا هندەک گوهرینا د بیاڤێ پەروەردە و فێرکرنێ دا و بهێزکرنا دەستەکا فێرکرنێ و راهێنەرێن پەروەردەکرنێ تایبەتی ب رێیا بکار ئینانا شێوازێن جوراجور و دروستکرنا ژینگەها فێرکرنێ یا گونجاو، کۆ د شیاندایە زیانێن (مادەیێن هوشبەر) ب رەنگەکێ ئەکادمی د پەرتوکێن خاندنێ دا بگونجینن.
-دروستکرنا مەلبەندێن کەلتوری و روشەنبیری مینا پەرتوکخانە و مەلبەندێن هونەری، کاری، پارک، هولێن وەرزشی و پەروەردەیی ژ بۆ پێشئێخستنا ئاستێ رەوشەنبیریا گەنج و لاوان و پر کرنا دەمێن ڤالا ، کۆ ئەڤ پێدڤیاتیە تایبەتی لدوێف زێدەبوونا ئاکنجییان و بەربەلاڤبوونا گوندان پرانیا جاران لاوازن، کۆ ب فاکتەرەکێ زور گرنگ دهێتە هژمارتن ژ بۆ خۆ پاراستن ژ ئالوودەبوون ب (مادەیێن هوشبەر ).
-پرانیا ئالوودەبوویان نەخویندەوارن یان دەیک و بابێن وان نەخویندەوار و کێم خوێندەوارن ، لەورا دەستەکا پەروەردە و فێرکرنێ پێدڤییە هه ولێن جدی ژ پێخەمەت بلندکرنا ئاستێ خویندەواریا خەلکی بهاڤێژن و ئاستێ تێگەهه شتنا خەلکی ژ بۆ روبرووبوونا دیاردا ئالوودەبوونێ بلند بکەن.
-دروستکرنا دەلیڤێن کاری ب رێکا پێشئێخستنا پیشەسازیێن دەستی و بکار ئیخستنا گوندان ب تایبەتی د بیاڤێ وەبەرهێنانێدا و پێشکێشکرنا پێدڤیاتیان ژ بو بنبرکرنا بێکاریێ کۆ ئێک ژ ئەگەرێن هه رە مەزن یێن ئالوودەبوون و قاچاخا کەلوپەلان، ل وەلاتی دهێتە زانین.
-رولێ ریکلامان د جیهانا ئەڤرودا بۆ هیچ کەسەکێ ڤەشارتی نینە ، ب رێیا هێزا ریکلامان و کەنالێن راگەهاندنێ یێن جەماوەری د شێین دیاردە و هزرو بیرێن جوراجور د ناڤ خەلکی دا بەلاڤ کەین و پاشی بۆ وان روهن و ئاشکەرا بکەین ، ب مخابنیڤە کەنالێن راگەهاندنێ ب تایبەتی یێن جەماوەری چ پرورامێن تایبەت ب ئالوودەبوونێ نینن ، لەورا پێدڤییە ئەو پروگرامێن کۆ هه می تەخێن جڤاکی بشێن مفای ژێ وەربگرن سەبارەت ب زیانێن ئالوودەبوونێ ل کەنالێن راگەهاندنێ بهینە بەلاڤکرن.
-رولێ پەیامێن گوتار بێژێن ئایینی و گوتاربێژێن مەدەنی د کور و سمینار وجهێن جوراجور دا د شێت پتر کاریگەریێ لسەر خەلکی بکەت ، بۆ گوهداریکرنێ و رێکەکا گونجایە بەرەڤ خۆ پاراستن ژ ئالوودەبوونێ د جڤاکی دا.
-بەردەستبوونا (مادەیێن هوشبەر) ئێک ژ ئەگەرێن ئالوودەبوونێ یە ، کۆ کونترولکرنا وێ و نەهێلانا وێ هه ر ژ پێشنیازێن ئالوودەبوویانە، ژ بەر ڤێ چەندێ پاقژ راگرتنا جڤاکی ژ (مادەیێن هوشبەر) و گرتنا سنوران ب ئێک ژ گرنگترین رێکێن خۆ پاراستنێ دهێتە هژمارتن.
-بەربەلاڤکرنا هێزن مەعنەوی د جڤاکی دا و هایدارکرنا خەلکی لسەر زیانێن بکارئینانا(مادەیێن هوشبەر ).
-پێدانا چەندین ئاموژگاریان بۆ خێزانا وەک(چاوانیا کونترولکرنا زاروکان، بهێزکرنا بیروباوەرێن ئایینی و
مەزهه بی و جیهانی، چاوانیا بوراندن و مفا وەرگرتن ژ دەمێ ڤالا، رێکگرتن ژ چوونا زاروکان بۆ خرڤەبوونێن بێ بنەما و بێ مفا، روخساندنا دەلیڤێن مژوێلکرنێ یێن ساخلەم، دژایەتیکرنا ئالوودەبوونێ هه ر ژ بنیاتێ وێ ئەڤجا چ ژێدەرێ پەیدابوونا (مادەیێن هوشبەر) بیت یان ژینگەها ئالوودەبوونێ یان مروڤێن ئالوودەبووی.
-دژایەتیکرنا (مادەیێن هوشبەر) ب شێوەیەکێ جەماوەری و گشتگیر، بەرێخودان ب بابەتێ بەلاڤکرنا ناڤخویی ب تایبەتی لسەر ئاستێ باژێران و ئالوودەبوویان.
-داکوکیکرن د هه لبژارتنا ئەفسەرێن تایبەت، د بیاڤێ
(مادەیێن هوشبەر) دا.
-مفا وەرگرتن ژ ئەزمونێن زانستی و کریاری یێن وان وەلاتان کۆ د بیاڤێ دژایەتیکرنا (مادەیێن هوشبەر) سەرکەفتی بووینە ، هه ر وەسا ب رێکا کونترولکرنا دەرگەهێن سنوری یێن هاتنا ژوور و دەرکەفتنێ رێ بهێتە گرتن ل هه مبەر ڤەگوهاستن و بەردەست بوونا (مادەیێن هوشبەر).
Comments are closed, but trackbacks and pingbacks are open.