وه‌زاره‌تا ساخله‌ميێ يا هه‌رێما كوردستانێ گشتاندنه‌ك ل دۆر پێشكێشكرنا خزمه‌تگۆزاريێن ساخله‌ميێ د رۆژێن بێهنڤه‌دانا سه‌رێ سالێ دا ئاراسته‌ى رێڤه‌به‌ريێن گشتى يێن ساخله‌ميێ يێن پارێزگه‌هـ و ئيداره‌يێن سه‌ربخۆ يێن هه‌رێما كوردستانێ كر.
د گشتاندنێ دا هاتيه؛ ژ بۆ به‌رژه‌وه‌نديا گشتى و پێشكێشكرنا خزمه‌تگۆزاريێن ساخله‌ميێ د رۆژێن بێهنڤه‌دانا سه‌رێ سالێ دا بلا ئه‌ڤ خاله ل به‌رچاڤ بهێنه وه‌رگرتن:
1. دانانا لژنه‌يا دويڤچوونێ ل هه‌مى رێڤه‌به‌ريێن گشتى و نه‌خۆشخانه‌يان.
2. بۆ هه‌ر كاره‌كێ پێدڤى و ب له‌ز پێدڤيه هێلا گه‌رم يا په‌يوه‌نديێ هه‌بيت.
3. د ده‌مێ پێدڤى دا كۆگه‌هێن ده‌رمانان و پێدڤيێن پزيشكى و تاقيگه‌هى ل باژێڕ و باژێڕكان د ڤه‌كرى بن.
4. پاپه‌ندبوونا نوشدارێن پسپۆر، ئاكنجيێن دێرين، په‌ستار و كارمه‌نديێن ساخله‌ميێ ب ده‌واما نوبه‌دار.
5. هاته‌ژوورا راگه‌هاندنێ ب تنێ دێ ب رێكا راگه‌هاندنا رێڤه‌به‌ريان بيت.
6. ئامارێن رۆژانه بۆ رێڤه‌به‌ريێن گشتى بهێنه ره‌وانه‌كرن.
7. رۆژانه فۆرمێن ئاماران بهێنه ره‌وانه‌كرن.
8. ئاماده‌باشى بۆ ئه‌مبۆلانس و دابينكرنا گاز و په‌نزينێ بهێته كرن.
9. دويڤچوون بۆ پرۆژه‌يێن پاقژكرن و دابينكرنا خوارنێ بهێته كرن.
10. هێلێن مۆبايلێن به‌رپرس و پشكان د ڤه‌كرى بن.
11. نه‌خۆشخانه‌يێن هه‌وارهاتنێ د ڤه‌كرى بن.
12. سه‌نته‌رێن پێدانا چاره‌سه‌ريا كيميايى ب نه‌خۆشێن په‌نجه‌شێرێ ب نوبه‌دارى د ڤه‌كرى بن.
13. سه‌نته‌رێن شويشتنا گولچيسكان ب نوبه‌دارى د ڤه‌كرى بن.
14. تيمێن هه‌وارهاتنێ و هێلا 122 به‌رده‌وام بن و 24 ده‌مژمێران به‌رده‌ست بن.
15. تيمێن پشكنينا ئاڤا ڤه‌خوارنێ يا مالان و نه‌خۆشيێن ڤه‌گر ب به‌رده‌وامى ب نوبه‌دارى د به‌رده‌وام بن.
16. پێشكێشكرنا خزمه‌تگۆزاريێن ساخله‌ميێ بۆ ئاواره‌يان ل كه‌مپان به‌رده‌وام بن.
17. به‌رده‌وامبوون د پێشكێشكرنا خزمه‌تگۆزاريێن پشكنين و چاره‌سه‌ريا كۆرۆنايێ دا.
18. دانانا ميكانيزمه‌كا گونجاى بۆ پێدانا ڤاكسينان ل رۆژێن بێهنڤه‌دانێ.
Comments are closed, but trackbacks and pingbacks are open.