رێڤەبەرییا گشتییا کارەبا ئیدارا سەربەخۆ یا زاخۆ ئامارێن سالا 2022ێ ڕاگەهاندن و دیاركر،72 هزار و 112 پشکدارێن کارەبێ هەنە، ژ ئەڤێ ژمارێ 52 هزار و 202 پشکداران پیڤەرێن زیرەك گرێداینە و سێ ھزار 13 پشکدارێن میری بازرگانی پیشەسازییا چاندنێ یا مالان گرێداینە.
رێڤەبەرییا گشتییا کارەبا زاخۆ دیاركر، هزار و 53 سەرپێچی ل سنوورێ ئیدارا زاخۆ هاتنە لادان، 83 گھورک ل تاخێن جودا جودا یێن باژێری هاتینە دانان، 52 گھورکێن سۆتی ھاتینە سەخبێریکرن، هەروەسا ب رێژا 80% کارەبا بەردەوام بۆ روناھیکرنا جاددان هاتیە دابینکرن، روناھیکرنا جاددا زانکویێ ب درێژاهیا 5 کیلو مەتران، نوژەنکرنا روناھیێن جاددا ئیبراھیم خەلیل ب درێژاهیا 10 کیلو مەتران.
هەروەسا رێڤەبەرییا گشتییا کارەبا زاخۆ ڕاگەهاند، دناڤ سەنتەرێ قەزا باتیفا 6 گھورك ل تاخێن جودا کەڤتینە د خزمەتا وەلاتیاندا، بۆ ئێکەمجار کارەب هاتە راکێشان بو خالێن پێشمەرگەی یێن کو د‌کەڤنە سەر سنوورێ گوندێن چەمکورك، بانکێ و شیڤێ بەھنینێ كورکا، دانانا گھوركەك 5 مێگاوات بو وێستگەھا قەزا باتیفا، روناھیکرنا جاددا سەرەکیا وێ قەزایێ ب درێژیا 3 کێلومەتران، دگەلدا روناھیکرنا گوندێن، پیرەکا، لێڤو، ئاڤگەنی، دێمکا، سەرێ بێسیلێ و گرێ بیێ.
Comments are closed, but trackbacks and pingbacks are open.