سه‌رۆكێ حكومه‌تا هه‌رێما كوردستانێ پێشوازى ل شانده‌كێ ئیماراتێ ب سه‌رۆكایه‌تییا جێگرێ وه‌زیرێ كاروبارێن جڤاتا وه‌زیرێن ئیماراتێ كر.
مه‌سرور بارزانى سه‌رۆكێ حكومه‌تا هه‌رێما كوردستانێ، پێشوازى ل شانده‌كێ ئیماراتى ب سه‌رۆكایه‌تییا عه‌بدولا ناسر لوتاهـ جێگرێ وه‌زیرێ كاروبارێن جڤاتا وه‌زیرێن ئیماراتێ كر.
د دیداره‌كێدا سه‌رۆكێ حكومه‌تێ ئاماژه ب په‌یوه‌ندییێن دوستانه یێن هه‌رێما كوردستانێ و ده‌وله‌تا ئیماراتێ دا، و سوپاسى و پێزانینێن حكومه‌تا هه‌رێما كوردستانێ بۆ شێخ محه‌مه‌د بن زاید و شێخ محه‌مه‌د بن راشد سه‌رۆك و جێگرێ سه‌رۆكێ ئیماراتێ ژبه‌ر پشته‌ڤانییا وان یا به‌رده‌وام ل هه‌رێما كوردستانێ ده‌ربرین.
جێگرێ وه‌زیرێ كاروبارێن جڤاتا وه‌زیرێن ئیماراتێ خۆشحالییا خوه ب سه‌ره‌دانا هه‌رێما كوردستانێ نیشاندا و دووپاتى ل هندێ كر، هه‌رێما كوردستانێ جهه‌كێ تایبه‌ت ل سه‌ركردایه‌تییا ئیماراتێ هه‌یه و به‌رهه‌ڤییا وه‌لاتێ خوه ژى بۆ هه‌موو هاریكارى و هه‌ماهه‌نگییه‌كێ دگه‌ل حكومه‌تا هه‌رێما كوردستانێ دووپاتكر.
Comments are closed, but trackbacks and pingbacks are open.