ئه‌ڤرۆ ب هه‌لكه‌ڤتا رێكه‌ڤتنا دیرۆکى یا 11ى ئادارێ سه‌رۆك بارزانى په‌یامه‌ك به‌لاڤكر و راگه‌هاند ئه‌ڤه ده‌ڤێ وێ یه:
بناڤێ خودێ مه‌زن و دلۆڤان
رێكه‌ڤتا یازده‌ى ئادارێ ئێكه ژ ده‌ستكه‌ڤتێن گرنگ یێن بزاڤا رزگاریخوازا گه‌لێ كوردستانێ. گرنگییا وێ روودانا دیرۆکى د هندێ دایه، ژ ئه‌نجامێ خه‌بات و شۆره‌شا گه‌لێ كوردستان و پارتى ب سه‌ركردایه‌تییا بارزانى، رژێما وى ده‌مى یا عیراقێ ناچاركر كو ل یازده‌ى ئادارا 1970دا بۆ ئێكه‌مجار و ب شێوه‌كێ فه‌رمى دانپێدانێ ب پشكه‌ك ژ مافێن وه‌لاتێ مه بكه‌ت. ئه‌و مافێن ل ده‌ستپێكا دروستبوونا ده‌وله‌تا عیراقێ داكوكى ل سه‌ر دهاته كرن كو وان ژناڤبربوو، رێكه‌ڤتناما 11ى ئادارێ به‌رهه‌مێ خه‌بات و قوربانیدانا پێشمه‌رگه و جه‌ماوه‌ر و هه‌مى چین و ته‌خ و پێكهاتێن ئاینى و نه‌ته‌وه‌یى یێن كوردستانێ بوو. 11ى ئادارێ پێناسه و هه‌بوونا گه‌لێ كوردستانێ لناڤ ده‌وله‌تا عیراقێ به‌ره‌ڤ قۆناغه‌كا بلندتر بر و باوه‌ی بخۆبوون لناڤ تاكێ كوردستانێ بهێزتر لێكر. كو ژێما عیراقێ پشتا خۆدا مافێن خه‌لكێ كوردستانێ و رێكه‌ڤتنا یازده‌ى ئادارێ بنپێكر به‌لێ ئه‌و ده‌ستكه‌ڤت ده‌رازینكه‌ك بوو بۆ قۆناغ و پێنگاڤێن مه‌زنتر یێن خه‌باتا ملله‌تێ مه و بده‌ستڤه‌ئینانا ده‌ستكه‌ڤت و سه‌ركه‌ڤتنێن زێده‌تر.
ل پێنجى و سێ سالیا رێكه‌ڤتنا یازده‌ى ئادارێ سه‌ره‌راى هندێ كو دۆپاتییێ ل په‌یاما ئاشتیخوزای و پێكڤه‌ژیانا گه‌لێ كوردستانێ دكه‌ین، ب ڤێ هه‌لكه‌ڤتێ بیرا هه‌مى لایه‌كێ دئینین گه‌لێ كوردستانێ لبن چ گڤاشتن و ره‌وشاندا ده‌ستا ژ ماف و ئازادى و ده‌ستكه‌ڤتێن خۆ به‌رناده‌ت.
مسعود بارزانی
11ی ئادارا 2023
Comments are closed, but trackbacks and pingbacks are open.