سه‌ندیكایا رۆژنامه‌ڤانێن كوردستانێ بڕیار دا ده‌رگه‌هێ ئه‌ندامبوونێ ڤه‌كه‌ته‌ڤه.
سه‌ندیكایا رۆژنامه‌ڤانان ئه‌ڤرۆ چارشه‌مبیێ راگه‌هاند؛ جڤاتا سه‌ندیكایێ د كۆمبوونا خۆ یا ژماره 47 یا رۆژا 3/4/2023 دا بڕیار دایه كو ده‌ست ب وه‌رگرتنا ئه‌ندامان بكه‌ت، هه‌ر رۆژنامه‌ڤانه‌ك ب رێكا لق و نڤیسینگه‌هێن سه‌ندیكایێ دشێت داخوازیا ئه‌ندامه‌تیێ پێكشكێش بكه‌ت.
ل دۆر مه‌رجێن ئه‌ندامبوونێ دیاركریه:
- پێدڤیه رۆژنامه‌نڤیس ل ده‌زگه‌هه‌كێ راگه‌هاندنێ یێ (نڤیسكى، بینراو یان بیستراو) كار بكه‌ت.
- پێدڤیه رۆژنامه‌نڤیسى گرێبه‌ستا كاركرنێ ل گه‌ل ده‌زگه‌هى هه‌بیت و نابیت یا بسه‌رڤه‌چوویى بیت.
- پشتگیریا وى ده‌زگه‌هێ راگه‌هاندنێ بینیت یێ كو تێدا كار دكه‌ت.
- ئینانا كۆپیه‌كێ ژ كارێن خۆ وه‌ك رۆژنامه‌نڤیس (نڤیسكى، بینراو یان بیستراو) ل سه‌ر كاغه‌زێ یان سیدیه‌كێ وه‌ك به‌لگه بۆ سه‌لماندنا كارێن خۆ.
- پێدڤیه ئێك ژ وان 14 ناڤونیشانێن رۆژنامه‌نڤیسیێ هه‌بیت كو د مادده‌یا 23 ژ یاسایا ژماره 4 یا سالا 1998 یا هه‌مواركرى ژماره 40 یا سالا 2004 دا هاتین.
- ئینانا سۆزنامه‌یێ ژ دادنڤیسى كو فه‌رمانبه‌رێ حكومى نینه.
- پڕكرنا فۆرما تایبه‌ت ب ئه‌ندامبوونێ ل ئێك ژ لق و نڤیسینگه‌هێن سه‌ندیكایێ ل باژێڕان.
Comments are closed, but trackbacks and pingbacks are open.