بریاره سوباهى جڤاتا نونه‌رێن عیراقێ رووینشتنا خۆ ئه‌نجام بده‌ت و خواندنا ئێكێ بۆ پرۆژه یاسایا پارێزگه‌هبوونا هه‌له‌بجه بكه‌ت.
فه‌رمانگه‌ها راگه‌هاندن و زانیاریان ل جڤاتا نونه‌رێن عیراقێ به‌رنامێ كارێ رووینشتنا ژماره(17) یا یاسایا وه‌رزێ ئێكێ یێ یاسادانانا سالا دووێ ژ خۆلا پێنجێ یا هه‌لژارتنێن جڤاتا نونه‌ران به‌لاڤكر كو بریاره ل ده‌مژمێر 8:30ى ئێڤاریا رۆژا ئێكشه‌مبى 2ى نیسانا 2023ى بهێته ئه‌نجامدان.
لدووڤ راگه‌هاندنێ، ئێك ژ برگێن به‌رنامێ كارێ رووینشتنێ تایبه‌ته ب خواندنا ئێكێ بۆ پرۆژه یاسایا پارێزگه‌هبوونا هه‌له‌بجه كو ژ لایێ لیژنا (هه‌رێم و پارێزگه‌هێن نه‌رێكخستى د هه‌رێمه‌كێدا) ل جڤاتا نونه‌ران بهێته پێشكێش كر‌ن.
دهێته زانین كو نێچیرڤان بارزانی ل سالا 2013 – كو ل وی سه‌رده‌می سه‌روكوه‌زیرێن حكومه‌تا هه‌رێما كوردستانێ بۆ- پروژێ یاسا پارێزگه‌هبوونا هه‌لبجه راده‌ستی حكومه‌تا فیدرالی ل به‌غدا كربوو.
Comments are closed, but trackbacks and pingbacks are open.