▪  سوباهی سایلۆ دێ دووبارە دەست ب وەرگرتنا گەنمێ جوتیاران كەن

ڕێڤەبەرییا گشتی یا بازرگانی ل وەزارەتا بازرگانی و پێشەسازییا حكومەتا هەرێما كوردستانێ ڕاگەهاند، سوباهی سێشەمبی دێ دەست ب وەرگرتنا گەنمێ جوتیاران كەن.
نەوزاد شێخ كامیل، ڕێڤەبەرێ گشتی یێ بازرگانی ڕاگەهاند، بۆ دەمێ 10 ڕۆژان بوو ل جهێن جودا جودا یێن هەرێما كوردستانێ دەست ب وەرگرتنا گەنمی جوتیاران كربوو د سایلۆیان دا و هەتا نوكە 116 هزار تەن وەرگرتینە.
گۆت ژی : ژبەر جەژنا قوربانی بۆ دەمێ دوو ڕۆژان پرۆسەیا وەرگرتنا گەنمی ڕاوەستیا بوو و بڕیارە سوباهی سێشەمبی 18/6/2024 دەست ب وەرگرتنا گەنمی د سایلۆیان دا بكەن.
دیاركر ژی دەمێ وەرگرتنا گەنمی د سایلۆیان دا هەتا 20/7/2024 و ئەگەر هەتا ڤی دەمی گەنمێ جوتیاران هەمی نە هاتە وەرگرتن دێ پێكولا كەین دەمێ وەرگرتنا گەنمی درێژ كەین.