سەرۆک وەزیرێن عیراقێ د گوتارەکێ دا ڕاگەهاند: مە بەڕنامەیەکێ گشتگیر بۆ ڕابوونا ڤە یا عیراقێ دانایە، شەڕێ گەندەڵیێ شەڕەکێ مەزنە ئەم دکەین، پێدڤییە هاریکارییا مە بکەن، بێی هاریکارییا هەمی سازییان ئەم د سەرکەفتی نابین.
محه‌مه‌د شیاع سوودانی، سه‌رۆك وه‌زیرێن عیراقێ، د “كۆنگره‌یێ دانوستاندنێ نێڤدەولەتی یێ بەغدا” دا، گوتارەک پێشکێشکر و ڕاگەهاند: “هه‌روه‌کی نوکە هوون دبینن و ئاگەهــ لێ دبن، کۆمەکا دەستەواژەیێن بەرهەنگاربوونا تاوانان هەیە، خەلک یێ هەی کو هێرشی وان دهێتە کرن چونکی ناسنامەیا وان یا جێوازە.”
سوودانی گۆتژی:” هوون ب خۆ دزانن کو داعش هێرشی دەڤەرێن عیراقێ کر و شیان ترسێ ل سەر دەرگەهێن بەغدا دروست بکەن، پاشی لێڤەگەر سیستانی فەتوایا شەڕی دا و جەنگاوەرێن عیراقێ شیان شیان خۆ بۆ گەلێ عیراقێ پێشکێش بکەن و بەڕەڤانییێ ژ ئاخا خۆ بکەن.”
سەرۆک وەزیرێن عیراقێ ڕاگەهاند،”شەڕێ گەندەڵیێ شەڕەکێ مەزنە ئەم دکەین، چونکی ئەگەر د وی شەڕی دا خوسارەت ببین دێ د هەمی شيڕێن دی دا خوسارەت بین و سەرکەفتن ب دەستڤە ناهێت تا وی دەمێ هاریکارییا هەمی سازییان نەبیت، ئارمانجا مە ب تنێ ڕازیبوونا خودایێ مەزنە پاشی خەلکێ عیراقێ، پێدڤییە بشێین باوەریێ دناڤبەرا حکومەتێ و خەلکی دا ڤەگەڕینین، چونکی گەلەک سوز هاتینە دا و کێم کار هاتینە کرن.”
Comments are closed, but trackbacks and pingbacks are open.