▪  سیستەمێ ناڤخۆیی یێ دادگەها فیدڕاڵ

ژلایێ نڤیسەر وپارێزەر (هلات مزوری) :

تایبەتمەندیێن دادگەها فیدڕاڵ لدیڤ مادێ (53)و (93) ژ دستورێ عێراقێ یێ ساڵا 2005 ومادێ (4) ژیاسایا ژمارە 30 یاساڵا 2005 ئەوا ڕاستڤەبۆی ب یاسایا ژمارە 25 یاساڵا (2021) ویاسایا ژمارە 1 یاساڵا 2022 گرێدای سیستەمێ ناڤخۆیی یێ دادگەها فیدڕاڵ .ولدیڤ مادێ 1 ژ یاسایا ژمارە 1 یاساڵا 2022 پێناسا دادگەها فیدڕاڵ دکەت کۆ دەستەیەکا دادوەری یا سەربەخۆیە ژ دارایی وکارگێری وبنگەهێ وێ ل بەغدایە ومافێ هەی ڕوینشتنێن خۆ ل هەرێمان و هەر پارێزگەهەکا نە ڕێکخستی لهەرێمان بکەت ، ود مادێ 3دا ژ یاسایا ژمارە 25یاساڵا (2021) تایبەتمەندیێن وێ دیاردکەت ئەوژی :1-چاڤدێری ل سەر دەستوری یا یاسایاو سیستەمێن ناڤخۆیی 2- شلوڤەکرنا دەقێن دستوری 3 _ ئێکلای یکرن دکەیسێن ل سەر جێبەجێکرنا یاسایێن فیدڕاڵی وبڕیارو سیستەم ۆ ڕێنمایێن دەردکەڤن ژ دەسهەڵاتا فیدڕاڵی ویاسا ڕێ دەتە جڤاتا وەزیران وکەسێن پەیوەندی هەی مافێ تەعنا ئێکسەر ژلایێ دادگەهێ ،4_ئێکلایی کرنا ناکۆکیێن دناڤبەرا حکۆمەتێن هەرێمێ وپارێزگەهان وباژێڕڤانی یا و ئیدارەیێن ناڤخۆ 5 ئێکلایکرنا دناکۆکیێن دناڤبەرا حکۆمەتێن هەرێمێ و پارێزگەهان6- ئێکلایی کرنا دتۆمەتێن ئاراستەی سەرۆکێ کۆمارێ و سەرۆکێ جڤاتا وەزیران یان ژی وەزیران 7پەسەندکرن ل سەر ئەنجامێن دویماهیێن هەلبژارتنان بۆ ئەندامێن جڤاتا نوینەران 8-ئێکلایی کرن دناکۆکیێن تایبەتمەندیێن گرێدای ب دەستەیێن دادوەری یێن هەرێمان وپارێزگەهێن نەڕێکخستی د هەرێمان دا 9- لێنێرین د تەعنێ دا د بڕیارێن جڤاتا نوینەران ئەوێن دەردکەڤن ل دیڤ تایبەتمەندیێن دەق پێکری ل دەستورێ عێراقێ یێ ساڵا 2005 ئەڤەژی بۆماوێ30 ڕۆژا ژ دەرکەفتنێ .، وهەروەسا دڤێت دیارکەین کۆ بابەتێن ناکۆکیێ ب سکاڵایەکێ پێشکێشی دادگەهێ دکەن لدیڤ چەندین پێڕابونێن دیارکری دسیستەمێ ناڤخۆیی یێ دادگەهێ