▪  سیـــاســـەت و رکــمانـــە!!

ناجــح بێجــانــی

ھەکەر سیاسەت بۆ رکمانە گەلۆ دێ چ ئێتە گۆھۆڕین ؟ مانە ھێشتا زوویە بۆ پارتێن سیاسی ێین کوردستانێ بەرانبەر ھەڤدوو رکمانێ بکن، ژبەرکۆ ھەتا نوکە مەژییێ تاکێ کورد ئازاد نەبوویە وئەو ژی ڤەدگەریت بۆ چەند ھوکارەکا یان ئەو دەلیڤە پەیدا نەبوویە و یانژی پتر گڕێدای ھندەک دابونەریتێن جڤاکیینە ،کەنگی دێ مێشکێ مەئازاد بت ؟ھەر دەما ئاخا وەلاتێ مە ژبن ستەمکاری وداگیرکرینێ رزگار بوو ، نابیت ھوون سیاسەتێ بکن کەرب وکین رکمانە ئەو دوچیمکێن ژێکجۆدانە و ھەڤدژن زیانێن وێ پترن ژ مفایێن وێ ھەر پارتەکا سیاسییا کوردستانێ بۆ یارەوا رکمانێ بکت ،لێ دگەل دۆژمنان وەختێ دبینن ب ئاشکرا مافێن خەلکێ وان بن پێدکن و چ حسابێ بۆ قوربانی ونەھامەتیێن ب سەرداھاتین نەکن ، ھینگێ وە ماف یێ ھەیی ژ بۆ بەرەڤانیکرن داکوکیکەرێن سەر سەخت بن ، ئەو ژی دێ ھەستپێبکن ھوون ل سەر حەقن، ئەوا ئەڤرۆ من دڤێتن ئاماژێ پێ بدەم ئەو رکمانەیە یا دناڤبەرا پارتیێن سیاسێن کوردستانێ دا ھەکەر بۆ ھندێ بت کۆ دەستھەلاتێ وەربگرن وخزمەتا خەلکێ خوە بکن کارەک پیرۆزە دوور ژ ھەر بەرژەوەندیەکا حزبایەتییێ ، بەرەڤاژی کارێن باش ڕەشبین بکن وبەرانبەر ڕاوستین و کاودانا بەرەف ئاقارەکێ نە دیار بن و پاشی لدووماھیکێ ھەر کەس دێ زەرەمەندبن ، کا وەرن دا پێکڤە پێداچۆونەکێ ب تاریخا ھندەک پارتێن سیاسێن کوردستانێ دابکن ، کەنگی رکمانێ ژ بۆھندێ یە کاودان باشتر بن ، یانژی ھەر لایەک دڤێتن ئێرادەیا سەپاندێ پەیرەو بکت و ھەڤدوو بشکێنن ، ئەڤە کەنگی دبت سیاسەت ؟ لێ سیاسەتێ ژی ھندەک سالۆخەتێن خوە ھەنە ئەخلاق وبیروباوەر دادپەروەریی و ب رێیا دانوستاندنان و ل سەر خوەو گوھۆڕینا بیروبۆچوونێن بەردەوام و بۆ گەھشتنا چارەیەکێ کۆ دخزمەتا جڤاکیدا بت، ئەز دبێژم ئەڤەیە رێیا ڕاست وھەر لایەک دڤێتن شانازییێ پێ ببەت، چونکو چ نەمایە ب سەرێ ڤی مللەتی نەھاتی ژ مالوێران ودەربەدەری وئەنفال کوشتن وزیندانکرنێ ، داکۆ ئەم ژی ب بن خودان سەروەرییا خوە ژ ستەم وداگیرکارییێ ڕزگار ببن، لێ ئەوێن ئەڤرۆ رکمانێ دکن، ژ بەرکۆ ئەو ئارمانجێن وان ێین گەندەلی و کەسوکی دەستڤەنەھاتینە و نەشێن بگەھینێ، لەوما پێخوەشە ئیرادا ئەڤی مللەتی تەسلیمی دۆژمنان بکن ، ڤێجا دێ ل خالێن لاواز گەرھن ھەر پرۆژەکێ باش دێ بەر دلێ خەلکێ ڕەشکەن ، ھەر وەکۆ ئەڤە نە وەلاتێ وان چ ڕوودان بسەرێ ڤی مللەتی بەلنگاز نەھاتییە ژبۆ خاترا بەریکێن ھندەک کەسێن گەندەل، لێ کورد دبێژن : (ئەز چیا و تو چیا گولک ما بێ گیا)ئەرێ ئەم عیبرەتا ژی مێژووێ وەرناگرن کەنگی ب ڕکمانێ مە شییا یە داخوازیێن خوە ب جھـ بینن و ژ بلی کەرب وکین ودڵڕەشیێ پێڤە ، نابیت ھەمی تشت ب رەشبین بن وباشترە وژدانا خوە ئارام بکن و خوە دوور بگرن ژ موزایدیێن سیاسی ، ب تنێ ئێکڕێزی وخزمەتکرن دێ مە گەھینتە کەنالێ ئارام وئاڤەدانییێ ، ژ بلی ڤێ کەس یێ سەرکەفتی نابیت و باشترە ھزر لێ بھێتە کرن چونکو چوو نەمایە ب سەرێ مە نەھاتی، ئەڤرۆ ئەم ھەمی بەرپرسیارن دڤێتن بەرپرسیاریا خوە خوەدی دەرکەڤن ،