جەلیل سالح، سەرپەرشتییارێ پڕۆژەیێ هنارتنا هناران ل نڤیسینگەها سەرۆکێ حکومەتا هەرێما کوردستانێ ڕاگەهاند، ژبلی هنارتنا هناران بۆ دەرڤەی وەلاتی حکومەتا هەرێما کوردستانێ یا ئامادەکارییان دکەت بەرهەمێن سێڤ و تری و هنگڤینی بهنێریتە دەرڤە.
د قۆناغا دووماهییێدا ژبلی بازاڕێن ئیماراتێ، هنارێن کوردستانێ دێ بۆ بازاڕێن سعوودی و بەحرین و وەلاتێن ئەوروپا و برێتانیا ژی هێنە هنارتن.
زێدەتر گۆت، ژبلی هناران دێ سێ بەرهەمێن دیتر ژی هنێرینە دەرڤە، ژبەرکو داخوازییەکا زۆر یا ل سەر بەرهەمێن سێڤ و تری و هنگڤینی هەیی ب تایبەتی سێڤێن دەڤەرا بەروارییان، ل دەمێ وەرزێ ئەوان دهێت، دێ ئەوان بەرهەمان ژی هنێرینە دەرڤەی.
دیار ژى كر: بەری ئەم هناران بهنێرینە ژ دەرڤە، مە ڤەکۆلین ل سەر کر، داکو بزانین کا ئەو هنارا مە هەیی تایبەتمەندییێن وێ هەر وەکو یێن هنارێن وەلاتێن دیترە، ل دویڤ ئەوی ڤەکۆلینێ بۆ مە دەرکەڤت، هنارێن کوردستانێ هەڤڕکییا هنارێن وەلاتێن ئەوروپا دکەت، هەر وەکو هنارێن ئیسپانیا کو داخوازییەک زۆر ل سەر هەیە.
Comments are closed, but trackbacks and pingbacks are open.