سپێدەهییا ئەڤرۆ نێچیرڤان بارزانی، سەرۆكێ هەرێما كوردستانێ پێشوازی ل مایك برایسون ریچاردسون، بالیۆزێ بریتانیا ل عیراقێ كر.
د كۆمبوونا خۆە دا هەردوولا دۆپاتی ل پێشڤەبرنا پەیوەندییێن عیراقێ و هەرێما كوردستانێ دگەل بریتانیا كر و دوماهی پێشهاتێن رەوشا سیاسی یا عیراقێ، پەیوەندییێن هەولێر و بەغدا و پێشهاتێن دەڤەرێ ب گشتی گۆتوبێژكرن.
ل دۆر رەوشا ناڤخۆ یا هەرێما كوردستانێ، بالیۆزێ بریتانیا پێشوازی ل كۆمبوونا پارتی دیمۆكراتی كوردستان و ئێكەتییا نشتیمانی یا كوردستانێ كر و پشتەڤانی یا وەلاتێ خۆە ژی بۆ گۆتوبێژێن هەردوولا و چارەسەركرنا كێشەیان ب گۆتوبێژان دەربری.
ژلایەكێ دی ڤە، پرسا یاسایێن پەترۆل و گاز و بۆدجا عیراقێ و بریارێن دادگەها بلند یا فیدرالی و كارتێكرنێن وێ یێن نەرێنی ل سەر رەوشا سیاسی یا وەلاتی بەحسكرن و ل دۆر وێ چەندێ بالیۆزێ بریتانیا دۆپاتكر كو وەلاتێ وی هەولێر و بەغدا هانددەت ژبۆ وێ یەكێ ب گۆتوبێژان كێشەیێن خۆە چارەسەربكەن.
Comments are closed, but trackbacks and pingbacks are open.