سەرۆك مەسعود بارزانی ئەڤرۆ ل سەلاحەددین پێشوازی ل برێت مەكگۆرك، ڕێكخەرێ كۆچكا سپی بۆ كارۆبارێن ئاسایشا ڕۆژهەلاتا ناڤەراست و باكوورێ ئەفریقا و ئامۆس هۆكشتین، ڕێكخەرێ تایبەتێ سەرۆكایەتییێ بۆ ژێرخانا جیهان و ئاسایشا وزە، هەروەسا ل ئالینا ڕۆمانۆسكی، بالیۆزا ئەمریكا ل عیراقێ و ژمارەكا شیرەتكارێن وەزارەتا دەرڤە یا ئەمریكا كر.
سەرۆك بارزانی و شاندێ بلند یێ ئەمریكا، رەوشا سیاسییا عیراقێ و هەرێما كوردستانێ، و پەیوەندییێن دناڤبەرا هەرێم و بەغدا و هێرشێن تیرۆری گۆتۆبێژكرن.
هەروەسا هەردوو ئالییان دووپات ل پێدڤییێن چارەسەركرنا ئاریشەیێن دناڤبەرا هەرێم و بەغدا، گرنگیا ڕۆلێ عیراق و هەرێما كوردستانێ د دەربازبوونا ئاستەنگێن بەردەم وزێ ل ئاستێ جیهانێدا، گرنگییا ئاسایش و سەقامگیرییێ ل عیراق و هەرێما كوردستانێ كر.
سەرۆك بارزانی د كۆمبوونێدا دیاركر، ل پێناڤ دەربازبوونا تەحەددیان و پشتەڤانیكرنا حكومەتا هەرێمێ، كۆبوون و هەماهەنگییا دناڤبەرا ئالییێن سیاسی دێ یا بەردەوام بیت و پشتەڤانییا خۆ یا بەردەوام بۆ چاكسازییا هێزا پێشمەرگەی دووپات دكەین.
Comments are closed, but trackbacks and pingbacks are open.