بایدن بۆ خولی دووەم ئەگەری کۆنترین سەرۆکی ئەمریکا چییە؟
سەرۆکی ئەمەریکا جۆو بایدن پلانی هەیە خۆی کاندید بکات بۆ خولی دووەمی سەرۆکایەتی لە کۆشکی سپی لە هەڵبژاردنەکانی ساڵی 2024 دا، ئەمەش لە کاتێکدایە کە زۆرێک لە شیکەرەوەکان و چاودێران لە تەمەنی گەورەترین سەرۆکی ئەمەریکادا دەوەستن کە ئەگەر سەرکەوتن بەدەستبهێنێت لە تەمەنی 86 ساڵیدا کۆشکی سپی جێدەهێڵێت.
بایدن چی وت؟
لە چاوپێکەوتنێکدا لەگەڵ کەناڵی ئێن بی سی “ئەمڕۆ” پێش پێشبڕکێی ئیستەر لە کۆشکی سپی، بایدن وتی پلانی هەیە خۆی بۆ خولی دووەم کاندید بکات.
سەرۆکی ئەمەریکا لە تەنیشت خانمی یەکەم جیل بایدن وەستاوە و وتی ” بەنیازم خۆم کاندید بکەم، بەڵام هێشتا ئامادە نین ڕایبگەیەنین.”
وتیشی پلانی هەیە لە ساڵی 2024دا خۆی کاندید بکات بۆ پارتی دیموکرات لەگەڵ جێگری سەرۆک کامڵا هێرس.
بایدن کە لە تەمەنی 78 ساڵیدا بوو بە گەورەترین کاندید بۆ بردنەوەی سەرۆکایەتی لە ساڵی 2020 دا، هیچ پلانێکی بۆ دووبارە هەڵبژاردنەوەی ڕانەگەیاندووە.
سەرۆکی ئەمەریکا پێشتر لە میانەی چاوپێکەوتنێکیدا لەگەڵ ABC News لە مانگی شوباتی ساڵی ڕابردوودا خواستی خۆی بۆ خولی دووەمی سەرۆکایەتی پشتڕاستکردەوە، ئەمەش هاوکات بوو لەگەڵ ڕاگەیاندنی جیل بایدنی هاوسەری بۆ ئاژانسی ئەسۆشیەیتد پرێس کە سەرۆک بڕیاری داوە خۆی کاندید بکات و تەنها ئەوەی ماوەتەوە دیاریکردنی کات و شوێنی ڕاگەیاندنەکەیە.
Comments are closed, but trackbacks and pingbacks are open.