دپەیوەندیەکا تەلەفۆنیدا ھاریکارا وەزیرێ دەرڤە یێ ئەمریکا، پیرۆزباھییا رێککەفتنا دناڤبەرا ھەولێر و بەغدا دا، دەربارەی ھنارتنا نەفتا ھەرێمێ ل سەرۆکێ حکومەتا ھەرێما کوردستانێ کر.
ئەڤرۆ ئەینی، ھاریکارا وەزیرێ دەرڤە یێ ئەمریکا باربارا لیف، پەیوەندی ب مەسرور بارزانی، سەرۆکێ حکومەتا ھەرێما کوردستانێ کر.
د پەیوەندیێدا، ھاریکارا وەزیرێ دەرڤە یێ ئەمریکا، پیرۆزباھی ل سەرۆکێ حکومەتێ کر ب ھەلکەڤتا ئیمزاکرنا رێککەفتنا ڤێ دوماھییێ یا تایبەت ب ھنارتنا نەفت دگەل سەرۆکوەزیرێن فیدڕال محەمەد شیاع سوودانی و پشتەڤانییا ئەمریکا بۆ بجھئینانا تمام یا رێککەڤتنێ دیارکر و ڕاگەھاند، ئەڤە سەرکەڤتنە بۆ ھەمی عیراقێ.
ژ لایێ خۆڤە، سەرۆکێ حکومەتا ھارێما کوردستانێ، سوپاسییا پشتەڤانییا ھاریکارا وەزیرێ دەرڤە یێ ئەمریکا کر و ئاماژە کر، ئەو پێشکەفتنێن دگەل حکومەتا فیدڕالی ب سەرۆکایەتیا سەرۆکوەزیران محەمەد شیاع سوودانی ھاتینە پێش، دێ بنیاتێ سەردەمەکێ نوو و ھەماھەنگییەکا دەم درێژ دناڤبەرا ھەولێر و بەغدا دا دانیت.
ھەر د وێ پەیوەندیێدا، باس ل دوماھی گۆرانکاری و پێشھاتێن سیاسی و چەند بابەتێن دی کو جھێ گرنگیدانا ھەڤپشک بابەتێن بوون بو ھەردولا ھاتە کرن.
Comments are closed, but trackbacks and pingbacks are open.