وەزارەتا کار و کاروبارێن جڤاكی ل حکومەتا هەرێما کوردستانێ ئاشکرا کر، لدووڤ پلانه‌كا وەزارەتێ و ژ پێخه‌مه‌ت خزمەتکرنا وه‌لاتییان و زارۆیێن تووشی ئۆتیزمێ بووین، دێ سەنتەرێن ڕاهێنانا زارۆیێن ئۆتیزمێ یێن حكۆمی ل هه‌موو قەزایان هێنه ڤه‌كرن و ئه‌و سه‌نته‌رێن حكۆمی بێ به‌رامبه‌ر دێ وان زارۆیان وه‌رگرن یێن كو تووشی ئوتیزمێ بووین.
ئاریان ئەحمەد” وه‌كو په‌یڤدارێ وێ وه‌زاره‌تێ دیار كر: ل هەرێما کوردستانێ ژمارەكا زۆرا زارۆیان تووشی ئۆتیزمێ بووینه و وان پێدڤی ب چاڤدێرى و ڕاهێنانا تایبەت هەیە و زۆر جاران ژ ئه‌گه‌رێ هندێ كو دایک و بابێن وان زارۆیان فەرمانبەرن، ئەرکێ ل سه‌ر ملێن وان یێ گرانه، له‌وما دەڤێت ب پارە وان ببه‌نه سەنتەرێن ئەهلی.
زه‌كیا سه‌ید سالح” بریكارا وه‌زاره‌تا كار و كاروبارێن جڤاكی ل حكومه‌تا هه‌رێما كوردستانێ دیار كر: د پلانا وەزارەتا وان دایه” كو سەنتەرێن ڕاهێنانێ یێن حكومی بۆ زارۆیێن ئۆتیزمێ ل هه‌موو قەزایان بهێنه ڤه‌كرن، نوكه ئه‌و سه‌نته‌ره ل چه‌ندین قه‌زایان هه‌نه و بریاره ئه‌و سه‌نته‌ره ل هه‌موو قه‌زایێن هه‌رێما كوردستانێ بهێنه ڤه‌كرن.
Comments are closed, but trackbacks and pingbacks are open.