▪ شینوارێن کەڤنێن ئوستانا ئورفایێ

ئوستانا ئورفایێ ناڤەندا باژێرێ روهاێیە کو کەڤن دا دگوتێ ئوبون ، ژ مارا ئاکنجیێت وێ سالێن هەشتیا 400 هزار کەس بوون ، دگەل دەوروبەرا دبنە 750 هزار کەس
رونشتڤانێن باژێری کورد و عەرەب و پیچەکا تورکا، لێ نها زوربەیا کوردا دەربەدەر کرینە و رێژا تورکا زێدەکریە ژبلی باژێرکێ حەرانێ و گوندێن دەردورا وێ کو عەرەبن ، پشتی نەمانا دەسەلاتا هوزێن مللی و شەهیدبوونا دەروێشێ عەڤدی ئەو عەرەب ژ عێراقێ و سوریا چون ل وێرێ ئاکنجی بوون ، ئەگەر نە زوربەیا نافچەیێن دی کوردنشینن و جهێ باب و باپیرێن کوردایە ئەف ئوستانە ب ناڤێ ئوستانا پێغەمبەران ناڤێ وێ هاتیە ، ژبەر وێ چەندێ کو گورێ هندەک پێغەمبەران د ڤێ ئوستانێ دایە ، ژوان ژی گورێ نوح و ئەیوب پێغەمبەر ، ل دەف مێژوونڤیسا ئەف ئوستانە ب ئوستانا ئورارتو و میتانیا ناڤێ وێ یێ هاتی ، ل دیف گوتنا لێکولەران ب هزارا سالا بەری زایینی مروف یێن ڤێرێ ژیای و شارستانی یا چێکری و کشتوکالێ کری و مەرو و مالات یێ خودان کری، بەلگەژی بو ڤێ چەندێ ب سەدان شینوارێن کەڤن د هەمی قوناغێن مێژووێ دا دهێنەدیتن تایبەتی ل ناڤوک و کەلاچمدین ، وێرانشهر ،و سڕوج و کەلا خەلەف ، ژ شینوارێن ناف و دەنگ کەلها ئورفایێ یە کو دوو ستین ل سەرن دبێژن ل وەختێ کەڤندا نەمرود بو مەنجەنیقێ یێ دروستکری ، هەروەسا دوو شکەفت دبن کەلهێ دا هەنە کو ئێک ژوان ب دەرەجا ژ چیای دهێت بو شکەفتێ ، دناف باژێری ژی دوو حەوزێن ئاڤێ هەنە کو بو سەردەمێ حەزرەتا ئیبراهیم پێغەمبەری ڤەدگەریت کو ئێک ژوان یا تژی ماسیە ، دبێژن ژبەر پیروزیێ کەس وان ماسیا ناخوت ، هەروەسا موزەخانەکا گەلەکا زەنگین ل ڤی باژێری هەیە کو گەلەک کەل و پەلێن کەڤن یێن ڤێ دەڤەرێ دناڤا موزەخانێ دا دهێنە نیشاندان ژوانژی نڤیسینا بسماری ب زمانێ ئورارتوو ،هەروەسا نڤیسینێن رومانی و ئارامی

وێنە ، ئورفا

٭بەرهەڤکرن Kovan Sh Rêkani