ئام مووسا عیسا یا بەرنیاس ب (ئام شنی)، خێزانا علی سلیم نپاخی زێباری ژ مالا حەجیان، ژ نزیکترین کەسێن حەمایل محموود ئاغایێ زێباری بوو، تەمەنەک ژ هەڤالینیەکا وەفادار دگەل ئێک بووینە. ئام ل مالەکا ناڤدار بی و دناڤ زێباریا و دەڤەرێدا ناڤودەنگیا خو هەبی ب مروڤ دوستی و مەیلینیا کوردایەتیێ، هەر ئەڤەش بیە ئەگەرێ دەسپێکا هەڤاڵینیا وێ و حەمایلێ و رێزەکا تایبەت ل دهاتە گرتن ژلایێ بنەمالا محموود ئاغای ڤە، پەیوەندیا ئام و حەمایلێ هند بهێز بوویە کو مەلا مستەفا داخاز بکەت ئام دگەل حەمایلێ ژیانا خو ببەتە .پشتی ڤەگوهاستنا حەمایلێ بو مەلا مستەفای کو هنگیش ئام لسەر داخازیا حەمایلێ دگەلدا دبیت و پاشان ب چوونا مەلا مستەفای بو رووسیا و مانا حەمایلێ و سەروک مەسعود بارزانی ل کوردستانێ ئام هەردەم ل نزیکی وێ مایە و ژبەر باوەریا وان ب حەجی ئامێ زورجاران سەروک مەسعود بارزانی دکرە ئامانەتی وێ و حەجی ئامێ وەکی کۆرەکێ خو ڤیان بو مەسعودی هەبی .
حەجی ئامێ و حجی علی هەردەم روحیەتا مێڤان دوستی و هاریکاریێ هەبوویە زور جارا دگوت مالا مە دروژێ دا مێڤانێت هەرسێ دانا هەبین و زوربەیا وان پێشمەرگە بوون ، حەجی عەلی نەهـ زاروک ژ دوو هەڤژینا هەبین کو ژ ئامێ دوو کچ و کۆرەک هەبی ب ناڤێ (ابراهیم) بەلێ حەجی ئامێ ئەو کور وەتوڤ پەروەردە کربی کو چ جارا خو ل رێزا پێشیێ یا شۆرەشا لانەدەت و دبیتە پێشمەرگەیێ هەردوو شۆرەشان و دوو جاران بریندار دبیت . پشتی ڤان روویدانێت دیڤ ئێکدا و ڤەقەتیانا حەجی ئام و حەمایلێ ل ساڵا ١٩٧٠ و باشبوونا بارودوخی حەمایل داخازنامەکێ بو ئامێ دهنێریت ئام دچیتە دیدارا وێ بو ماوێ هەیڤەکێ ل وێرێ دمینیت و مەلا مستەفای دبینیت کو داخاز دکەت ل نک هەڤالا خو بمینیت بەلێ ئامێ ژبەر زاروک و تەرش و تەوالێ خو نەشیا ل نک حەمایلێ بمینیت و ل ڤێ دیدارێ دا مەلا مستەفا گوتنەکێ دبێژیت لسەر ئێتیما و دبێژیت” ئەز ل چ حکومەت و دەولەتا ناترسم بتنێ ل دوعایا هێتیمەکێ کو دگەهیتە خودایێ مەزن”.ل سالا ١٩٧١ جارەکا دی داخازنامێ بو ئامێ دهنێریت کو ببینیت ل دەڤەرا چۆمان ل حاجی ئومەران کو ل وێ روژێدا لژنەکا مەلایێن عێراقێ هاتبوون بو کومبینەکێ دگەل مەلا مستەفای و خوکوژەک خو دپەقینیت و دبیتە شەر کو ئامێ دگوت مەلا مستەفا ب سڤکی بریندار دبیت و دەمێ هەڤالێن وی دبینن دکەنە هەوار بەلێ مەلا مستەفا دبێژیت چ چێنەبیە و”ئەو مروڤێن داخازا تشتێ مەزن دکەن کارێن مەزن ب سەری دهێن” پشتی ڤێ روویدانێ و ل دەمێ زڤرینا حەجی ئامێ مەحموود ئاغا دبێژیت من دڤێت ئامێ ببینم و من بەس باوەری ب وێ دهێت کا چل مەلا مستەفای هاتیە و ئامێ دبینیت و پسیارا رەوشا مەلا مستەفای دکەت و دبێژیتێ نک کەسێ بەحسێ پەیوەندیا خو دگەل بارزانیا نەکە ئەگەر نە رژێما بەعس دێ تە و بنەمالا تە ژناڤبەن.
حەمایلێ دیتنا هەر کەسەکێ دەڤەرێ ب دەرفەت دزانی کو پسیارا رەوشا حەجی ئامێ بکەت .ل دەمێ نسکویا شۆرەشێ و چوونا مەلا مستەفای و حەمایلێ بو وەلاتێ ئیرانی ب رێکا نامەکێ داخازدکەت کو بەری بچیت ئامێ ببینیت بەلێ ژبەر کاودانێت وی وەختی نامە د وەختەکێ درەنگ دا دگەهیت و نەگەهشتنە دیدارا دوماهیێ. پشتی ڤێ چەندێ و ژبەر هەبوونا پەیوەندیا بهێز و ئاشکرا یا حەجی ئامێ دگەل مالا بارزان و خو نەچەماندن و رادەستنەکرنا وێ ب داخازیێن رژێما بەعس بەرەڤ وەلاتێ ئیرانێ ئاوارەدبیت دگەل ماڵباتا خو، ب مخابنیڤە ل وەلاتێ ئیرانێ نەخوش دبیت و ل باژێرێ شنویێ دچیتە بەردلوڤانیا خودێ و ل وێرێ دهێتە ڤەشارتن ل گۆرستانا “بارزان ئاباد” کو گۆرێ گەلەک ژ کەسێن دیێن کوردێن باشوور ل وێ گۆرستانێ هەنە، پشتی مرنا حەجیایێ بنەمالا مە دەست ژ رێبازا وێ بەرنەدایە، زێدەباری وێ دەربەدەری و ئاوارەیی و ئەنفالکرنێ هەتا نوکە ئەم ب ئەنفالکری نەهاتینە هژمارتن. سەرەرای پشتگوهـ هاڤێتنا مە بەلێ مە چ جارا دەست ل رێبازا بارزانی بەرنەدایە ئەو رێبازا ئامێ ئەم لسەر پەروەردەکری کو هندەک کەس حەتا نوکە دبێژنە مە ئەگەر ئام دگەل بارزانیادا با هنگ نەدهاتنە پشتگوهـ هاڤێتن بەلێ شەخسێ جەنابێ سەروک و بنەمالا بارزانی و ئاغا و بنەمالا محموود ئاغای لسەر خزمەتا ئامێ شاهدن کا چکریە و چ کەسایەتی هەبیە ل سەردەمێ خو دا.
بابەت هاتیە ئامادەکرن و هنارتن ژلایێ:
سیابند سلیم ابراهیم علی نپاخی زێباری
Comments are closed, but trackbacks and pingbacks are open.