خورشید ئەحمەد سورچی
جارەکێ مامۆستایەکێ بیرکاریێ پسیار ژ قوتابیەکێ پولا ئێکێ کر، کو ناڤێ وی (زەید) بوو، گووتێ (١+١) دبیتە چەند، قوتابی ژی گوتە مامۆستایی دکەتە (سفر)، مامۆستا گەلەک توڕە دبیت و گەلەک پەیڤێن نەباش دناڤ قوتابیان دبێژتە (زەیدی)، بێی کو دیفچوونێ بکەت کا بوچی ئەڤی قوتابی ئەڤ بەرسڤە دا.
ڕوژ هاتن و ڕوژ بوورین ڕوژەکێ مامۆستایی گوتە قوتابیان بێژنە دایک و بابێت خو بلا سەرەدانا قوتابخانێ بکەن چونکی (کۆمبوونا دایک و بابا) ییە، ڕوژا کومبوونێ دایک و بابێ هەمیان د بەرهەڤ بوون تنێ یێت (زەیدی) نەبن، ڕوژا پاشتر مامۆستایی گوتە (زەیدی) بوچی کەسێ تە نەهاتبی بو کوومبوونێ ؟
زەید ژی ب دەنگەکێ لەرزۆک و نەڤی ب چاڤەکێ پڕ ڕوندک دبێژتە مامۆستایی : ئەز یێ لدەف مامێ خۆ، چونکی دایک و بابێت من یێ ژێک ڤەبووی، دەمێ مامۆستایی ئەڤ ئاخفتنە گوهـ لێبوو گەلەک عێجز بی ئینا گووتە زەیدی تازە من زانی کو تە بەر چ گووت (١+١) دبیتە (سفر)، مامۆستا بو هندێ دا دلێ زەیدی نەشکێنیت گووتێ دا بێژییە مامێ خو بلا ئەو بادل بابێ تە هاتبا کوومبوونێ، زەیدی گووتێ مامۆستا (کۆمبوون ب ناڤێ دایک و بابا یە من شەرم کر مامێ خو پنێرم، چونکی بێ باب بوونا من دا ب دیارکەڤیت).
ل دوماهیکێ مامۆستایی گووتێ: باشە زەید پا کا بابێ تە؟
زەیدی گووت: مامۆستا دایک و بابێن من ژێک ڤەبوون ژبەر هندەک ئاریشان، دایکا من شی کر و بابێ من ژنەکا دی ئینا، ئەوژی یا ڕازی نەبی کو ئەز گەل بابێ خو بم، لەورا مامێ من ئەز بەرەمە دەف خو، مامۆستا دا دلێ زەیدی خوش کەت گووتێ کوڕێ من مامێ تە لجهێ بابێ تەیە خو عێجز نەکە. ئینا زەیدی گووتە مامۆستایی (مامۆستا شەربەت هندی یا ب تام بیت جهێ ئاڤێ ناگریت).
ل دوماهیکێ داخازا من بۆ هەمی دایک و بابا بەری بڕیارەکێ بدەن هزر د زاڕوکێن خو بکەن، چونکی چ کەسەک نەشێت ڤالاتیا وە تژی بکەت .
Comments are closed, but trackbacks and pingbacks are open.